Samfella
1857
Varðveitt hjá
Þjóðminjasafn Íslands
Sveinn Jónsson, Reykjavík: Samfella úr svörtu klæði, 2,70 m víð neðst, 77 um streng, 1,04 m síð. Að neðan er hún brydd 4 cm breiðum bekk úr svörtu flaueli. Ofan við flauelsbryddinguna, allt umhverfis samfelluna, er 19 cm breiður, útsaumsbekkur, saumaður með blómstursaum. Blómin eru rauð og gul og blá en blöðin græn. Undir blómsturbekknum eru bogamyndaðar mishæðir. eða tungur, saumaðar með grænu, og eiga þær að tákna þúfur. Samfellan er öll fóðruð, að ofan með mógráum lasting, en neðst með mislitu lérefti. Klauf er á vinstri hlið, 32 cm að lengd., og er krækt saman um strengin með einu krókapari. Aftan á strengnum eru 2 krókar. Svohljóðandi greinargerð fylgir samfellunni: Samfella Elínar heit. Magnúsdóttur (konu gefanda) er saumuð af Vigdísi heit. Ólafsdóttur frá Viðvík undir tilsögn amtmannsfrúar Ragnheiðar Kristjánssen á Friðriksgáfu (Möðruvöllum í Hörgárdal) í kring um 1857. Vigdís bjó þar heima hjá frúnni á meðan og var látin sauma eina rós á viku, og tók verkið því 6 vikur.
Aðrar upplýsingar
Ártal
1857
Safnnúmer
Safnnúmer A: 11643
Safnnúmer B: 1934-111
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti
Efnisorð: Samfella