Höttur
Varðveitt hjá
Þjóðminjasafn Íslands
Höttur. Sbr. grein
um forna röggvarfeldi, Árb. Fornl.f. 1962.
Freyja Hlíðkvist
Ómarsdóttir, nóv. 2010:
Í greininni (eftir
Elsu E. Guðjónsson) í Árbók Fornleifafélagsins 1962, bls. 22-23:
„Í Þjóðminjasafni
Íslands er geymdur grófgerður flókahöttur (Þjms. 14861), þakinn stuttum
(um 0,/ sm) endum á yfirborðinu. Mun höttur þessi vera frá Þingeyrum og
hafa fundizt árið 1940 djúpt í gömlum öskuhaugi þar á staðnum. Hötturinn
er úr sauðsvörtum, um 0,4 sm þykkum ullarflóka. Engin samskeyti eru sjáanleg
á honum, og verður því að telja, að hötturinn sé mótaður. Flosið er þannig
gert, að saumaðar hafa verið þéttar raðir af lykkjum úr tvinnuðu ullarbandi
hring eftir hring í kringum kollinn og barðið, en skorið eða klippt upp
úr lykkjunum eftir á.
Annar sauðsvartur,
loðinn flókahöttur, að því er virðist talsvert stærri, fannst að Hvammi
í Hvammssveit 1894. Aldrei bárust þó nema rytjur af honum til Þjóðminjasafnsins
(Þjms. 4149). Hötturinn lá á um 1,25 m dýpi í gömlu bæjarstæði, og var
ályktað, að hann væri ekki yngri en frá 16. öld, en gæti hins vegar verið
miklu eldri. Flókinn í þeim fjórum bútum hattarins, sem safninu bárust,
er mjög þykkur (um 0,6-038 sm). Þótt yfirborð bútanna sé afar snjáð, má
víða sjá leifar af röggvum mjög líkum útlits röggvunum á vefnaðinum frá
Heynesi, aðeins styttri. Af heillegu röggvunum mældist sú lengsta 5 sm.
En svo er yfirborðið þófið, að ógerlegt reyndist að ákvarða, með hvaða
hætti röggvarnar eru festar í flókann.“
Aðrar upplýsingar
Gefandi: Valtýr Stefánsson
Safnnúmer
Safnnúmer A: 14861
Safnnúmer B: 1951-102
Aðfangategund
Undirskrár
Undirskrá: Munasafn
Efnisorð / Heiti
Efnisorð: Höttur