Söðulreiði

Varðveitt hjá

Söðulreiði úr leðri, klofinn upp báðum megin, tvöfaldur og búinn gröfnu látúni, eru hringjur úr látúni á endum að framan, en hinum megin járnhringjur og þar spenntur á volki. Barð, oddmyndað, gengur út við reiða miðjan á hvora hönd. L. með volkanum um 70 sm, án hans um 58 sm, br. mest 24 sm. Kúla á miðju, 9.2 sm að þvm., gerð úr látúnsþynnum, en á sprotum og börðum plötur, og mynda þær, sem á endum eru, sviptir, er á framenda og að neðan oddlaga snið á, en plötur á börðum fylgja lögun þar, aðrar áfellur ferhyrningslaga. Með jurtaskrauti, nema á neðri sviptum, og þar ristar rendur. Börð eru endar doka, sem stungið er milli efra leðurs og neðra. Látúnsnaglar með holum legg, flatir á enda, halda þynnum, og ganga þeir gegnum bæði leðrin (?). Þorn í efri hringjum úr járni og járnnagli við aðra sviptina að neðan. Ekki er skraut á einni plötu efri sprota. Reiði þessi er slitinn og laslegur, leður rifið, undið og hart, og mygla á, mjög hefur rifnað við sauma, spanskgræna á látúni og járn ryðgað. Sbr. Þjms. 989, 1615, 1877, 2177, o.fl.

Aðrar upplýsingar

Gefandi: Hallgrímur Óli Jónasson

Efni

Lífræn efni, Dýraríki, Skinn, Leður

Safnnúmer

Safnnúmer A: 15867 Safnnúmer B: 1957-132

Stærð

70 x 0 x 0 cm Lengd: 70 Breidd: 0 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Söðulreiði