Brjóstabindi

1940 - 1960

Varðveitt hjá

Brjóstabindi úr eigu Jóhönnu Jóhannsdóttur, ljósmóður (f. 1910, d. 2007). Þetta er langur vafningur, útbúinn úr 9 bútum úr hvítum taubleium (bleiugasi) sem saumaðir eru saman. Vafningurinn var notaður til að binda upp brjóst kvenna eftir fæðingu, þegar þær fengu bólgu í brjóstin, þá voru ekki til sýklalyf. Brjóstin voru tæmd eftir að barnið hafði sogið og þá voru þau bundin upp, svo að mjólkin minnkaði. Nota þurfti öryggisnælur til að festa bindið en þær fylgja ekki með. Jóhanna tók ljósmæðrapróf árið 1940 og starfaði sem ljósmóðir í Borgarnesi til 1980. Gefandi er Sólveig Jóhannsdóttir, systir Jóhönnu. Í meðfylgjandi bréfi (sjá möppu: Fylgiskjöl aðfangabókar) kemur fram að Jóhanna hafi óskað eftir að bindið færi í Nesstofusafn en þar sem það er lokað um þessar mundir færði Sólveig Þjóðminjasafninu bindið. Sjá einnig Þjms. 2007-30-1.