Klyfberi
1910 - 1950
Varðveitt hjá
Þjóðminjasafn Íslands
Hleypiklyfberi / klyfberi með hleypiklökkum
(felliklyfberi). Útbúnaður hans er nokkuð óvenjulegur. Virðist heill og
nokkuð vel farinn. Í bréfi dagsettu 24.6.1990 (í fylgiskjölum aðfangabókar)
segir:
Patreksfirði, 24 júní 1990
Hr. Árni Björnsson!
Ég sendi hér með klifberan sem
ég ræddi um við þig. Hann er úr eigu Kristinns Ólafssonar sem lengi var
bóndi í Hænuvík og stundaði einnig póstferðir um utanverðan Rauðasandshrepp
um áratuga skeið. Var hann þá gjarnan með reiðingshest undir póstinn á
meðan fjölmennara var þarna. Seinna var Kristinn kominn á bíl en var þó
lengur með hesta á vetrum þegar færi fyrir bíla tók af. Kristinn er nú
hættur búskap en á enn heimilsfang í Hænuvík. Jón Torfason smíðaði klifberan
handa Kristni. Jón var fæddur í Kollsvík 1892. Bjó þar og seinna i Vatnsdal
en flutti á Patreksfjörð 1948 og lést þar 1971. Jón virðist hafa verið
vel búhagur, en ekki var hann talinn til mikilla smiða svo ég vissi. Það
virðist hafa verið nokkurt átak að kippa splittinu úr svo baggarnir gætu
fallið niður. Var kallað "að hleypa niður sátunum" en dóttir
Jóns segir mér að það hafi verið auðvelt jafnvel fyrir börn.
Með bestu kveðju,
Ari Ívarsson
Aðrar upplýsingar
Ártal
1910 - 1950
Efni
Safnnúmer
Safnnúmer B: 1990-35
Stærð
26 x 47 x 50 cm
Lengd: 26 Breidd: 47 Hæð: 50 cm
Staður
Núverandi sveitarfélag: Vesturbyggð, Vesturbyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Klyfberi