Skálavog, + hlutv.

Varðveitt hjá

Sigríður Gunnarsson, ungfrú, Reykjavík: Skálavog, sem ekki vantar annað á en festarnar. Ásinn er úr járni, 37,2 cm langur. Gegnum hann miðjan stendur 2,8 cm langur þolinmóður, og um enda hans grípur kló sú eða töng, sem ber ásinn. Hún er 14,6 cm löng og í henni að ofan er krókur, sem voginn er hengd upp með. Frá ásnum og upp í klofa klóarinnar gengur mundangið, sem er 6,8 cm hár vísir úr járni. Á báðum endum ássins eru lykkjur, sem leika í þolinmóðum, og úr þeim hafa gengið þær 3 festar, sem skálarnar hafa hangt í. Þær eru úr þunnu bronsblikki og barmarnir vafðir um járnþráð til styrktar. Skálarnar hafa upprunalega verið kringlóttar, en síðan hefur þeim verið þrýst saman frá tveimur hliðum, svo að þær eru nú sporöskulagaðar. Þvermálið er 13,6 - 19 cm. Dálítið eru þær skemmdar nú. Skálvog þessa mun frú Sigríður Magnússon hafa fengið hér á landi, en þær eru útlendar að gerð.

Aðrar upplýsingar

Gefandi: Sigríður María Gunnarsson

Efni

Ólífræn efni, Málmur, Járn

Safnnúmer

Safnnúmer A: 11814-2 Safnnúmer B: 1935-135

Stærð

37.2 x 0 x 0 cm Lengd: 37.2 Breidd: 0 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Skálavog, + hlutv.