Zitar

Varðveitt hjá

Zitar, gamall og skemmdur: kassinn er úr mahogny: hliðin til hægri er sniðskorin niður að miðju, en eftir það bogadregin niður að endanum: efri endinn er 11,5 cm að br., sú neðri 16, og 19,5 þar sem breiðast er yfir bugðuna á hliðinni, hæðin er 3,5 cm. Hann hefur 25 takka, sem strengjunum er fest á, og hafa strengir sjálfsagt verið jafnmargir, en nú vantar nokkra. Til beggja hliða við strengina eru okar, 7 cm að h., 12,5 að l.: á þá að innanverðu eru gerðar sex jafnstórar skorur eða glufur með gormum í: þar hafa legið í ofan á gormunum sex mjóir rimlar, 12,5 cm að l., 1,5 að br.: hafa þeir legið þvert yfir strengina og eru grænir flókapúðar festir á neðri kantinn yfir strengjunum, en á þeim efri er dálítill beinhnappur til að styðja fingri á og dálítil pappírsræma með bókstöfum og tölum til leiðbeiningar þeim sem spilar: er þetta því einskonar nótnaborð: annar hliðarokinn hefur losnað af og eru því allir rimlarnir lausir líka. Undir strengjunum, þvert yfir neðan til er fest papparæma með bókstöfum, tölum og nótnaregistri. Neðan til á loki kassans, undir strengjunum er hljómop, kringlótt gat, um 7 cm að þverm. Ofan til er málaður í skrautlegum litum eins og krans af skjaldarmerkjum og blómum. - Hljóðfæri af þessari gerð munum hafa verið talsvert notuð hér á síðustu öld.

Aðrar upplýsingar

Gefandi: Einar Ólafur Sveinsson

Efni

Lífræn efni, Viður, Mahóní

Safnnúmer

Safnnúmer A: 14029 Safnnúmer B: 1948-89

Stærð

19.5 x 16 x 11.5 cm Lengd: 19.5 Breidd: 16 Hæð: 11.5 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Zitar