Til baka í leit
Veistu meira?

Stækkunargler

1800 - 1900
Varðveitt hjá
Þjóðminjasafn Íslands
Stækkunargler, dálítið rispað um miðjuna og flaskað á einum stað, en þó vel nothæft án efa lestrargler, í heimagerðri umgerð úr bæki, kringlótt, 9,2  - 9,4 cm í þvermál með umgerðinni, þykkt hennar er 1,2 cm, breiddin sömuleiðis.  Glerið er fest í með kítti. Á einum stað gengur 3,7 cm langt, prófílerað typpi út úr umgerðinni: þetta er handfangið.  Glerið í umgerð sinni fellur í  eins konar hylki, tvær þunnar bækikringlur, sem verja hvor sína hlið glersins.  Kringlurnar eru tengdar saman á fjórum stöðum: Með látúnsnagla sem gengur í gegnum þær báðar og umgerð glersins með og festir hann glerið í hylkinu, með tveimur óhreyfanlegum látúnsspöngum og einni, sem losa má um, þegar nota skal glerið.  Þegar um hana er losað og glerinu snúið um naglan, kemur það út úr hylkinu.  Kringlurnar eru með renndum hringum á hliðunum.  Á þær miðjar eru negldir látúnskildir, með skörðóttum brúnum, en að öðru leyti óskreyttir og í áttina til fjögurra horna þeirra teygja sig látúnsblöð frá spöngunum og naglanum, sem festa kringlurnar saman.  Frá Sólveigu Arngrímsdóttur á Ísafirði.  

Aðrar upplýsingar

Ártal
1800 - 1900
Efni
Safnnúmer
Safnnúmer A: 11384 Safnnúmer B: 1932-92
Stærð
9.4 x 0 cm Lengd: 9.4 cm
Staður
Núverandi sveitarfélag: Ísafjarðarbær, Ísafjarðarbær
Sýningartexti
Stækkunargler, lesgler fyrir sjóndapra. Glerið er í umgerð úr bæki sem leikur á þolinmóð og fellur glerið inn í kringlótt hlífðarhylki. Á því eru látúnsskildir til skrauts. Frá 19. öld. 11384 Stækkunargler, lesgler fyrir sjóndapra. Glerið er í umgerð úr bæki sem leikur á þolinmóð og fellur glerið inn í kringlótt hlífðarhylki. Á því eru látúnsskildir til skrauts. Frá 19. öld. Lesgler.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Stækkunargler