Beltishringja

1600 - 1700

Varðveitt hjá

Beltishringja og sproti úr silfri, algylt: hringjan sjálf er steypt, með upphleyptu verki, blómum í skábogastíl: hún leikur á hjörum við hringjustokkinn, sem er tvöfaldur, lykur um beltisendann, með hringvíravirki kveiktu á og er þar sett engilhöfuð með vængjum, steypt, og skjaldarmynd undir. Lengdin á hringjunni og stokknum er um 10 cm.: br. hringjunnar mest 5,4 cm. og stokksins 3,4 cm. - Sprotinn er með sama verki og hringjustokkurinn, en neðra borðið (fóðrið) á honum er skrautlega grafið og á því stafirnir H M D, og hafa þeir verið settir á, er beltið var smíðað. Á rönd sprotans og stokksins er kveikt snúra: og niður úr sprotanum gengur sívalt typpi. Hann er 8 cm. að lengd og 3,5 að breidd. Eptir englamyndunum , hringjunni og greptinum að dæma virðist þetta vera frá 17. öldinni. það er ágætlega smíðað og allsendis óskemt. Komið til gef. frá Vogi á Mýrum.