Kornbyrða
Varðveitt hjá
Þjóðminjasafn Íslands
Kornbyrða, lítil,
smíðuð úr furu, ferhyrnd í laginu og ílöng, felld saman og neglt er með
trétittum og járnnöglum. Lok á hjörum að ofan, í miðju og þversum.
Í byrðu þessari er hornstuðlagrind, og hafðar burstir á við langhliðarnar,
er hæð mest í miðju, 61,5 cm, lengd 71,5 cm, og breidd 41,5 cm, þykkt hornstólpanna
5,5 cm mest, annarsstaðar er mest þykkt 3,2 cm. Fjalir liggja stólpa
á milli að ofan og neðan, í göflum báðum og framhlið hafðar lóðréttar,
flatar rimar, og sett speldi í bilin, ein rim á göflunum miðjum og tvær
nálægt miðju að framanverðu, í baki eru þrjár lóðréttar fjalir, í botni
fjórar fjalir. Sjá má að láréttu fjalirnar í langhliðum að ofan eru
þrefaldar. Þrjár fjalir eru í lokinu og hafður oki undir á endum,
miðfjölin flöt, hinar skáhallar, tvennar hjarir, smíðaðar úr járni, eru
við afturbrún. Sitt hvoru megin er skáhöll þekja út að göflum, er
fest fjöl á fleyglaga kubb á langhliðum í grind og falla hér yfir brúnir
í lokinu. Ofan á hornstólpana eru skornir lágir hnúðar. Hæð
upp af botni í byrðunni er 3,5 cm.
Máluð að utan nema
á stólpunum og botni, eru miðfjalir í loki og göflunum hvítar, grá málning
á hliðarfjölum í loki og þekju fjölum, og á hinum láréttu fjölum grindar,
ein bakfjalanna grá, hinar ómálaðar, rimar og speldi bleik á litinn, eitt
speldanna þó ómálað.
Sprungur eru á viði,
skrámur á, og óhreinindi, hjarirnar ryðgaðar, tveir hnúðanna á stólpum
nýir, og sjá má að settir hafa verið listar til styrktar og uppfyllingar.
Smíðað hefur Brynjólfur
Jónsson (Brunna-Brynki) sem bjó um tíma að Ráðleysu, síðar að Jórvík í
Sandvíkurhreppi. Hann smíðaði ýmislegt, t.d. baðstofur, byðrur, o.fl.,
einnig lagði hann fyrir sig að finna vatn þar sem erfitt var um það, og
var oft og víða leitað til hans þess vegna, þótti vel takast en aldrei
skýrði hann frá hvernig hann fór að.
Gefandi bjó á Stokkseyri
til ársins 1913 er hann fluttist til Rvk.
Aðrar upplýsingar
Efni
Safnnúmer
Safnnúmer B: 1963-131
Stærð
61.5 x 71.5 x 41.5 cm
Lengd: 61.5 Breidd: 71.5 Hæð: 41.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kornbyrða