Legill
1890
Varðveitt hjá
Þjóðminjasafn Íslands
Legill úr furu, kringlóttur, með
flötum botni og loki og kúptum hliðum. Lok og botn úr einni fjöl hvort,
níu stafir í hliðunum, handfang sitt hvorum megin. Gjarðirnar eru tvær,
þeim haldið saman með koparnöglum og ganga undir þær handföng, jafnt og
stafir. Tvö göt eru á lokinu, annað með lágum korktappa, hitt með koparstút,
negldum á lokið, og korktappa í stútnum. Örlítið gat er á miðjum botni,
og í því trétappi. Legill þessi hefur verið málaður gulbrúnn, en ekkert
er nú eftir af málningunni nema skellur hér og hvar, einkum á botni. Þvermál
loksins og botnsins er 24.6 sm, en hæð legilisins 14.5 sm. Handföngin ná
3.5 sm út frá hliðunum miðjum. Á lokið er skorið: Á.H., með latneskum stöfum,
en þar aftan við 1890, með arabískum tölum, og í sama stíl. Bókstafirnir
merkja: Árni Högnason (Görðum í Reynishverfi). Er legillinn smíðaður af
Runólfi Runólfssyni, sem dó næstum 101 árs árið 1950. Runólfur dó í Dyrhólahjáleigu
í Mýrdal. Árni gaf Hallgrími legilinn, til þess að hann ónýttist ekki eða
færi á flæking. Sjá um vínílát ýmiss konar: Ísl. þjóðh., bls. 236, etc.
um legla o.fl.: Iðnsaga Íslands, fyrra bindi, bls. 370. Sbr. Þjms. 6043,
5089, o.fl.
Aðrar upplýsingar
Ártal
1890
Efni
Safnnúmer
Safnnúmer A: 14302
Safnnúmer B: 1950-31
Stærð
14.5 x 0 x 0 cm
Lengd: 14.5 Breidd: 0 Hæð: 0 cm
Staður
Staður: Garðar, 870-Vík, Mýrdalshreppur
Sýningartexti
Brennivínslegill Árna Högnasonar
í Görðum í Reynishverfi í Mýrdal, með stöfum hans og ártali 1890. Leglar
og kútar voru alþekkt vínílát áður en flöskur urðu algengar, enda lítt
brothættir.
14302
Ílát undir brennivín áður en flöskur
urðu algengar.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Legill
Heimildir
Jónas Jónasson frá Hrafnagili:
Íslenzkir þjóðhættir, Reykjavík 1934, bls. 241.
Upprunastaður
63°24'20.4"N 19°2'44.4"W