Oblátudósir
Varðveitt hjá
Þjóðminjasafn Íslands
Oblátudósir úr skjaldbökuskel og lok úr perlumóðir. Hefur brotnað*. Á miða, sem innan í dósunum er, segir séra Einar Friðgeirsson sögu dósanna, en þar sem hann skrifar að Helgi Þórarinsson hafi gefið sér dósirnar og kallar hann fósturson Jórunnar í Rauðaveri, þá eru það að líkindum pennaglöp og mun hann hafa ætlað að skrifa Þórarinn Bjarnason, en Helgi var maður Jórunnar (og sonur séra Þórarins í Vatnsfirði). Á miðanum stendur:
„Dós, fyrir Corpus domini. Þessi dós er úr búi Þórarins próf. Kristjánss. sem dó í Vatnsfirði. Frú Ingibjörg, ekkja hans gaf Jórunni ljósmóðir á Rauðasandi. Hún gaf Helga Jónss. fóstursyni sínum og hann gaf mér um 1920. Þetta munu vera oblátu-corpus domini dós, er prestar höfðu á sér með þjónustukaleiknum. Hún er sögð að vera æfa-gömul. Borg [...]/9 1922. Einar Friðgeirss. Getur þó verið neftób. dós. E Frg.“
*Það er sú dósin sem er úr skaldbökuskelinni sem hefur brotnað.
Dósirnar höfðu áður verið skráðar sem tóbaksdósir, en samkvæmt upplýsingum gefanda er líklegra að þær séu oblátudósir (þjónustuoblátudósir).
Aðrar upplýsingar
Gefandi: Margrét Líndal Jakobsdóttir
Efni
Safnnúmer
Safnnúmer B: 1966-48
Stærð
5.5 x 2.3 cm
Lengd: 5.5 Breidd: 2.3 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Oblátudósir