Líkan, eftirlíking, skráð e. hlutv.

Varðveitt hjá

Líkan af kirkju, teiknað og smíðað af Sigríði Sveinsdóttur, klæðskerameistara, sem var frænka gefanda, Guðrúnar Sigurðardóttur, Stigahlíð 2, Rvk. Haganlega gert. Kirkjan er innréttuð með öllu sem tilheyrir slíku húsi. Hún er ljósmáluð, með grænu þaki og grænum turni. Grunnur er grár. Hæð kirkjunnar er 31 cm en 56,5 cm með turni. Dýptin er 40,5 cm en 46,5 cm séu kirkjutröppurnar mældar með. Breiddin er 16,5 cm. Hurð að framan er opnanleg. Rafmagnssnúra gengur inn í kirkjuna að aftan. Á henni er rofi og sé snúrunni stungið í samband kviknar á peru inni í kirkjunni. Aftan á kirkjunni má fjarlægja spjald, þar sem altarið og altaristaflan eru, til að komast að ljósaperunni. Á botni líkansins er að finna upplýsingar um Sigríði Sveinsdóttur, menntun hennar og ætt. Lýsingu á tilurð kirkjunnar er að finna í bókinni Dætur fjallkonunnar eftir Hugrúnu, í kaflanum Kirkjusagan.

Aðrar upplýsingar

Sigríður Sveinsdóttir, Hlutinn gerði
Gefandi: Guðrún Sigurðardóttir

Efni

Lífræn efni, Viður

Safnnúmer

Safnnúmer B: 1990-60-2

Stærð

56.5 x 16.5 x 40.5 cm Lengd: 56.5 Breidd: 16.5 Hæð: 40.5 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Líkan, eftirlíking, skráð e. hlutv.
Myndefni: Kirkja, byggingin, innanmynd og ytra útlit