Rúnasteinn
Varðveitt hjá
Þjóðminjasafn Íslands
Rúnasteinn frá Hjarðarholti í Dölum. Þetta er rúnasteinn sá er dr. Kr. Kålund getur um í ritgerð sinni um Islands Fortidslevninger í Aarb. for nord. oldkh. og historie 1882, á bls. 109 (st. nr. 15). Hefur dr. Björn M. Ólsen lýst honum greinilega í Árb. Fornfjel. 1899, bls. 24 o.s.frv. og skal hjer látið nægja að vísa til þess. Þar eru og settar rúnirnar, en ekki með þeirri lögun, sem þær hafa á steininum: sjerstaklega skal tekið fram að 2. rún er (innsk. skr.: hér er rún), en ekki (innsk. skr.: hér er rún) og hin 6. er (innsk. skr.: hér er rún), sem ef til vill á að merkja gg. - Á næsta fleti fyrir ofan rúnirnar eru óljósar rúnir á hinu brotinu, lauslega krotaðar: má lesa 2 fyrstu orðin og eru þau eins og í aðaláletruninni. Víðar má sjá óljóst rúnakrot á steininum.
Úr Kirkjur Íslands 16. bindi
Í Þjóðminjasafni eru tveir rúnasteinar frá Hjarðarholti. Á öðrum þeirra stendur með rúnum: HERLIGRHALLRARASON, þ.e.: Hér liggur Hallur Arason. Er talið að sá kunni að vera Hallur, sem bjó á Höskuldsstöðum 1192, en þó frekar Hallur Arason frá Jörfa í Haukadal, sem var uppi á 13. öld og nefndur er nokkrum sinnum í Sturlungu.
(KG, 2011)
Aðrar upplýsingar
Gefandi: Daniel Bruun
Efni
Safnnúmer
Safnnúmer A: 4537
Safnnúmer B: 1899-1
Staður
Staður: Hjarðarholt, 371-Búðardal, Dalabyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Rúnasteinn
Heimildir
Jón Torfason og Þorsteinn Gunnarsson, Kirkjur Íslands 16. bindi, Reykjavík 2010, bls. 70-71
Upprunastaður
65°7'24.0"N 21°42'1.5"W