Panta mynd Notkunarskilmálar

Rúnasteinn

Varðveitt hjá

Þjóðminjasafn Íslands

Rúnasteinn frá Hjarðarholti í Dölum. Hann er í 2 hlutum, og l. alls 55 cm., en vantar af báðum endum sennilega, sjálfsagt af þeim fremri. Þessi brot mega heita jafnlöng bæði. Hann er Baulu - steinn, en ekki allsendis reglulegur samt: fletirnir eru 4 og er rúnaáletrunin á einum: sá flötur er 16 cm. að br. Áletrunin er glögg og vel gerð: hún er svo: (innsk. skr.: hér eru nokkrar rúnir), þ.e. Bjarni Bjarnason. Þrír deplar hafa verið milli þessara þriggja orða, en flagnað hefur af steininum þar sem neðsti depillinn af hinum síðari hefur verið. Leggurinn af (innsk. skr.: hér eru 2 rúnir og og á milli) hefur farið aptan af síðasta orðinu. Í enda hvers leggs er sem depill: kann vera að sá er rúnirnar gróf hafi markað þá fyrst til þess að ákveða hvar hver rún skyldi standa. - Sbr. ennfremur lýsing Björns M. Ólsens í Árb. Fornl.fjel. 1899, bls. 28. Úr Kirkjur Ísland 16. bindi Í Þjóðminjasafni eru tveir rúnasteinar frá Hjarðarholti. [4537 og 4538] [...] Hinn legsteinninn (4538) er baulusteinn, nú í tveimur hlutum og vantar einnig á fremri endann og ef til vill hinn líka. Á honum stendur í rúnum nafnið BJARNI BJARNASON. Ekki er víst hver sá Bjarni var, en steinninn er talinn frá 16. öld. (KG, 2011)