Undirkjóll
1964
Varðveitt hjá
Þjóðminjasafn Íslands
Undirkjóll úr hvítu lérefti, hluti
af vinnubúningi hússtjórnarkennara. Undirkjóllinn er með mjóum hlýrum og
með mjórri blúndu í hálsmál og handveg. Einnig er blúnda, nokkuð breiðari,
við fald að neðanverðu. Kjóllinn er renndur í vinstri hlið, frá handvegi
og um 23 cm niður. Algengast var að nota nylonundirkjóla við þennan búning
en gefanda, Önnu Guðmundsdóttur, þóttu þeir of kaldir til að vera í og
saumaði því þennan úr lérefti. Kennarabúningurinn er í heild skráður á
númerin 2004-1-9 til 2004-1-11. Hússtjórnarkennarar notuðu hvíta sloppa
við vinnuna og höfðu kappa, hvíta, stífaða, á höfðinu. Þessi búningur er
frá um 1964. Gefandi saumaði búninginn sjálf og notaði. Sjá einnig nemendabúning
nr. Þjms. 2004-1-2 til 2004-1-7, sem og servíettupoka nr. 2004-1-8.
Gefandi er Anna Guðmundsdóttir,
Reynimel 36, 107 Reykjavík, fyrrum kennari við húsmæðraskólann Laugalandi
(sjá nánar um hana í möppu: Fylgiskjöl Aðfangabókar). Hún er gefandi allra
gripanna nr. Þjms. 2004-1, flestir komu þeir til safnsins 9. janúar 2004
en einhverjir þeirra bárust hingað 14. janúar.
Aðrar upplýsingar
Ártal
1964
Efni
Safnnúmer
Safnnúmer B: 2004-1-10
Stærð
81 x 0 x 0 cm
Lengd: 81 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Undirkjóll
Heimildir
Um Önnu Guðmundsdóttur sjá Kennaratal
á Íslandi, II, bls. 330.