Broddstafur

Varðveitt hjá

Broddstafur úr barrviði, 1,57 m að lengd, sívalur, 2,9 cm í þvermál að ofan, en 4,1 cm að neðan, koparhólkur með skrúfgangi utan á efri enda, en járnhólkur á neðri enda. Neðan á stafnum er járnbroddur ferstrendur, en krókur í efri endanum. Stafnum fylgir þessi greinargerð: Ólafur Guðbrandsson bjó lengi á Stóru-Völlum á Landi. Hann keypti stafinn fyrir löngu á 10 aura á uppboði í Svínhaga eftir Pál Jónsson bónda þar. Var stafurinn sagður kominn að Svínshaga til þess að fara þaðan að Haukadal á Rangárvöllum, en aldrei hafa komizt þangað. Hann hafði fundizt á Gönguskörðum með beinum Bjarna Kolbeinssonar frá Haukadal er þar hafði orðið úti 20 árum áður, og þekktust bein hans af stafnum, því að á honum er BK - óljóst nú. Er Ólafur fékk stafinn var hann broddlaus, og setti hann broddinn í og báða hólkana á. Krókurinn, sá hinn sami og nú er, var á: hann var til að ná í bagga með, ef þeir fóru af í ám. - Heimildarmenn Ólafs um sögu stafsins eru Páll Jónsson í Svínhaga og Ólafur Sigurðsson í Háagerði.

Aðrar upplýsingar

Gefandi: Ólafur Guðbrandsson

Efni

Lífræn efni, Viður, Barrviður

Safnnúmer

Safnnúmer A: 12383 Safnnúmer B: 1938-48

Stærð

157 x 0 x 0 cm Lengd: 157 Breidd: 0 Hæð: 0 cm

Staður

Núverandi sveitarfélag: Rangárþing ytra, Rangárþing ytra

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Broddstafur