Tóbaksdós

Varðveitt hjá

Tómas Möller, póstafgreiðslumaður, Stykkishólmi: Tóbaksdósir úr látúni, hollenzkar, aflangar, bogadregnar fyrir báða enda, 16,5 cm að lengd utan yfir lok, 4,75 cm að breidd og 3 cm háar. Á botninum er lóðrétt brún, sem gengur upp á hliðarnar og samsvarar lokbrúnunum, sem grípa út yfir hornin. Nálægt öðrum enda hafa samskeytin milli botns og hliðar bilað, og eru 2 spengur settar innar í dósirnar þar. Lamir dósanna eru ekki heldur í lagi. Á lok og botn eru grafnar myndir. Á lokinu lengst til vinstri er krjúpandi maður ( Kristur í grasgarðinum?), því næst tveri ríðandi menn, þá krossfestingarmynd með Maríu undir krossinum og loks niðurtaka Krists af krossinum. Allt gæti þetta þó virzt sama myndin, því að greinileg takmörk, eru ekki á milli. Á botninum eru tvær persónur að kistuleggja mann( krist), en til beggja handa eru áhorfendur, að því er virðist. Til endanna báðum megin við myndirnar eru hollenzkar áletranir með skrifstöfum, lítt læsilegar, en utan um allt saman sveigur úr greinum. Á framhlið dósanna er einnig áleturn. Bakhlið og endar eru með einföldu strikamunstri. Margar hollenzkar dósir, sem minna á þessar, eru á safninu, en engar eins og þær í laginu. Líklega eru þær frá 18. öld.

Aðrar upplýsingar

Gefandi: Tómas Möller

Efni

Ólífræn efni, Málmur, Látún

Safnnúmer

Safnnúmer A: 11438 Safnnúmer B: 1933-7

Stærð

16.5 x 4.75 x 3 cm Lengd: 16.5 Breidd: 4.75 Hæð: 3 cm

Staður

Núverandi sveitarfélag: Sveitarfélagið Stykkishólmur, Sveitarfélagið Stykkishólmur

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Tóbaksdós