Áklæði, óþ. notk.

1800 - 1850

Varðveitt hjá

Úr aðfangabók: Áklæði: úr blárri einskeptu, tvídúkað, br. 122 cm., l. 127 cm., faldað í báða enda: með útsaumuðum myndum hálft og hefur sennilega aldrei verið lokið við það til fullnustu. Eru á það saumaðar með blómstursaum margskornar og marglitar blómamyndir, margýgur og fuglar, einhyrningur og ljón, Á viðfestum seðli með hendi Sigurðar Guðmundssonar málara stendur: Áklæði, er eg fjekk frá Arngrími Gíslasyni bókbindara á Sveinströnd við Mývatn. Segir hann, að >> karlmaður hafi saumað, sem var kallaður langi Björn, bróðir sýslumanns Jóns Benidiktssonar á Rauðaskriðu í Þingeyjarþingi: Björn þessi hjelt sjer uppi að sögn mest á að sauma út ýmislegt Úr Mynd á þili: (Texti eftir Þóru Kristjánsdóttur) Blóma- og dýramyndirnar á klæðinu eru trúlega teiknaðar af Hallgrími Jónssyni (1717-1785). Sjá frekar um verk Hallgríms í Mynd á þili, bls. 108 - 115. (Sett inn af Sigrúnu Blöndal, 18.10.2010)

Aðrar upplýsingar

Björn langi Benediktsson, Hlutinn gerði
Gefandi: Arngrímur Gíslason

Ártal

1800 - 1850

Safnnúmer

Safnnúmer A: 1147 Safnnúmer B: 1876-103

Stærð

127 x 122 x 0 cm Lengd: 127 Breidd: 122 Hæð: 0 cm

Staður

Staður: Sveinsströnd, 660-Mývatni, Þingeyjarsveit

Sýningartexti

Áklæði, líklegast söðuláklæði sem ekki hefur verið lokið við til fullnustu. Á það eru saumaðar með blómstursaumi margs konar myndir, af margýgi með þrífork, einhyrningi, ljóni, fuglum og blómum. Er gert af Birni Benediktssyni í Þingeyjarsýslu á 19. öld, sem mest hélt sér uppi með saumaskap. 1147 Áklæði, líklegast söðuláklæði en þó óklárað, með saumuðum myndum af margýgi með þrífork, einhyrningi, ljóni, fuglum og blómum. Er saumað af karlmanni norðanlands á fyrri hluta 19. aldar.

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Áklæði, óþ. notk.

Heimildir

Þóra Kristjánsdóttir. Mynd á þili. Reykjavík, 2005, bls. 108 - 115.