Örvaroddur
Varðveitt hjá
Þjóðminjasafn Íslands
Fleinn eða oddur úr járni 13½ sm.
á lengd og 1½ sm. á breidd þar sem hann er breiðastur, hann er örmjór í
oddinn en breikkar jafnt upp undir miðju, með hvassari egg til beggja hliða
og hrygg í miðjunni beggja megin: þar fyrir ofan mjókkar hann aptur og
þykknar, því meir sem aptar dregur, og verður ferstrendur: þegar eptir
er tæpur þumlungur fleinsins verður hann allur grennri og virðist enda
í mjög hvössum oddi, en bláoddurinn er étinn af ryði. Hvað þetta sé, er
eigi með vissu hægt að segja. Vera kann að það sé lítið spjót, en þar sem
enginn falur er á því, þá hlyti aptur endi þess að hafa gengið upp í skaptið.
Fundið í gömlum uppblásnum bæjarrústum, þar sem bærinn Svartárkot hafði
staðið fyrir 36 árum síðan.
Gefandi var Benedikt Sveinsson,
síðar alþingismaður, faðir Bjarna Benediktssonar ráðherra. Þegar hann gaf
gripinn til safnsins, árið 1896, var hann skólapiltur og skráður sem slíkur
í safnskrá Þjóðminjasafnsins á þeim tíma.
Aðrar upplýsingar
Gefandi: Benedikt Sveinsson
Efni
Safnnúmer
Safnnúmer A: 4338
Safnnúmer B: 1896-116
Stærð
13.5 x 1.5 x 0 cm
Lengd: 13.5 Breidd: 1.5 Hæð: 0 cm
Staður
Staður: Svartárkot, 645-Fosshóli, Þingeyjarsveit
Aðfangategund
Undirskrár
Undirskrá: Fundaskrá
Undirskrá: Fundaskrá_Lausafundir
Efnisorð / Heiti
Efnisorð: Örvaroddur
Heimildir
Kristín Huld Sigurðardóttir: "Haugfé.
Gripir úr heiðnum gröfum." Hlutavelta tímans. Menningararfur á
Þjóðminjasafni. Rvk. 2004. Bls. 64-75, örvar bls. 70, 73, 75.
Kristján Eldjárn. Kuml og haugfé.
Rvk. 2000. Bls. 349.
Upprunastaður
65°20'27.4"N 17°14'48.2"W