Panta mynd Notkunarskilmálar

Leikbrúða

1946

Varðveitt hjá

Þjóðminjasafn Íslands

Þetta er leikbrúðan Konni sem faðir gefanda, Baldur Georgs búktalari og sjónhverfingamaður, hafði við skemmtanir sínar á árunum 1946 til 1964. Konni var gerður í Englandi. Einu sinni er búið að skipta um höfuð en þetta er eins og hið upphaflega. Konni er í jakkafötum úr brúnu gallabuxnaefni, ljósbrúnni bómullarskyrtu og með ljósbrúna slaufu einnig úr bómull. Marglit húfa úr gerviefni fylgir og með. Áður var Konni í stórum jakka og buxum. Konni er í gamalli ferðatösku sem hann var geymdur og fluttur í, þó ekki hinni upphaflegu. Ljósrit af blaðagreinum og minningagreinum (5 A4 blöð) svo og útfararræða (7 A4 blöð) sr. Bjarna Þórs Bjarnasonar um Baldur fylgja í hólfi í töskunni. Afrit er einnig geymt með fylgiskjölum. Baldur hafði sjálfur óskað eftir því nokkru fyrir dauða sinna að Þjms. varðveitti Konna.