Pálstafsblað

900 - 1100

Varðveitt hjá

Pálstafsblað(?), eða þvíumlíkt vopn eða verkfæri. Það er með einskonar fal eða skaptholi að ofan, á þann hátt, að báðar hliðarbrúnirnar að ofan hafa verið beygðar hvor á móti annari (og mynda þannig einskonar skapthol): en þótt brúnirnar sé ryðgaðar,virðast þær aldrei hafa náð alveg saman, heldur mun hafa verið allt að því tveggja þumlúnga bil á milli. Það er 3 þumlúngar og 1 lína yfir um falinn, 4 þumlungar og 4 línur fyrir eggina, og 5 þumlúngar á lengd. Það er auðséð, að þetta getur eigi fremur en nr. 114 verið pálblað, en að svo komnu er örðugt að ákveða, hvort það er pálstafsblað eða eitthvert annað ókunnugt verkfæri eða vopn, (sbr. það er áður hefir verið sagt um nr. 114, og sömuleiðis um nr. 284 hér á eptir, sem er einhver tegund af fornum pál eða grefi, með skíku lagi, er tíðkazt hefir í útlöndum um 1066 - 70, en nú er ókunnugt hér á landi, að því er mér er kunnugt). Mér gæti helzt komið til hugar sporrekur þær, sem sagt er að austfirðingar hafi haft, og enda hafi, til að gánga við á hjarni, spora sig í jökla(?) með, og grafa sig í fönn með. Eyfirðingar kalla þær gaungurekur eða gaunguspaða. Á Jökuldal kváður þær vera kallaðar veðrarekur, og af öðrum sporrekur. Talið er, að þær sé með mjög litlum skákum, en að öðru leyti líkar öðrum rekum. Þó eru mér þær eigi svo kunnar, að eg viti, hvort þessir tveir hlutir (114 og 271) sé þeim líkir, eða eigi nokkuð skylt við þær. Á háskólasafninu í Kristjaníu er til mjög líkt verkfæri eða vopn, og er kallað pálstafur: hann er 2 þumlúngar og 8 línur á breidd fyrir eggina, og með fal, svipuðum og á þessum hlut.

Aðrar upplýsingar

Gefandi: Indriði Þorsteinsson

Ártal

900 - 1100

Safnnúmer

Safnnúmer A: 271 Safnnúmer B: 1865-79

Stærð

13.04 x 11.77 x 0.7 cm Lengd: 13.04 Breidd: 11.77 Hæð: 0.7 cm

Staður

Staður: Víðivellir, 601-Akureyri, Þingeyjarsveit

Aðfangategund

Munir

Undirskrár

Undirskrá: Fundaskrá Undirskrá: Fundaskrá_Lausafundir

Efnisorð / Heiti

Efnisorð: Pálstafsblað

Upprunastaður

65°45'56.7"N 17°54'59.9"W