Róðukross

Varðveitt hjá

Leifar af gömlum krossi sem var í Víðimýrarkirkju settar á nýjan eikarkross. Leifarnar eru tvær útskornar myndir. Önnur af Kristi sem hangir ofar á krossinum. Hann er með krans á höfði og klæddur skýlu sem hefur verið hvítmáluð en af hvíta litnum sjást nú aðeins leifarnar. Að öðru leyti er myndin viðarlituð. Á hann vantar handleggina og hallar hann höfði út á hægri hlið. Neðan við hann er Maríumynd útskorin. María er klædd síðri skikkju með hettu á höfði skikkjan er svört og rauð að lit. Í aðfangabók stendur að myndirnar virðist vera íslenskt verk.