Panta mynd Notkunarskilmálar

Predikunarstóll

1799

Varðveitt hjá

Þjóðminjasafn Íslands

Úr aðfangabók: Prjedikunarstóll, hliðfjalirnar allar fimm, en á þær vantar listana að ofan og neðan, og yfirleitt alt, sem hefur verið undir þeim og ofaná þeim. Þær eru 98,5 cm. að h. og 32 - 34 að br. hver. Er hver hlið spjald í umgerð sem venjulega: umgerðirnar eru málaðar grænar að utan og bláar að innan, en spjöldin græn að innan og með Krists mynd og guðspjallamannanna að utan. Eru rauð strik á umgjörðunum næst myndunum. Milli tvennra lista á hvorum enda er áletrun, rauð á hvítum grunni, með settletri: Að ofan: Sæler eru þeir | Sem heyra Gu|ds Ord og vard|veita þad. Luc. II. | Látid vina Hr: IHS. - Að ofan: Ord þitt er Lampi|fóta mina og Li|ós á mijnúm vegúm. Pf: 119. unid | hefur AIS. 1799. Nöfn guðspjallamannanna standa með hvítu letri á svörtum grunni undir myndum þeirra og S fyrir framan (c. Sanctus): en undir mynd Krists stendur Salvator Múndi. Engill svífur í skýi fyrir ofan hverja mynd. - Myndirnar eru engin listaverk. - AJS eru upphafsstafir Ámunda smiðs Jónssonar (d. 1805), en Hr. IHS er sjera Illugi Hannesson, sem var prestur í Villingaholti 1792 - 1821: þaðan er stóllinn kominn til safnsins. Kirkjur Íslands: Slitur af prédikunarstól úr Villingaholtskirkju eru nú í Þjóðminjasafni Íslands, komu þangað árið 1916 [...]. Stólinn smíðaði og málaði Ámundi Jónsson árið 1799 fyrir séra Illuga Hannesson sem þá þjónaði Villingaholtskirkju, eins og letur á stólnum sýnir. Varðveist hafa aðeins fimm hliðarfjalir úr stólnum, en allir listar ofan og neðan svo og annað tréverk hefur glatast. Hliðarfjalirnar eru samsettar úr máluðum innrömmuðum spjöldum í umgjörðum samkvæmt hefð frá þeim tíma. [...] Myndirnar eru mjög barnslega málaðar og augljóslega gerðar af manni sem ekki hefur lært mikið til verka, enda var Ámundi fyrst og fremst smiður og útskurðarmeistari. Pictures by Ámundi Jónsson on an old pulpit from Villingaholt Church, dating from 1799, height 98.5 cm, width32-34 cm [...]. (Sett inn af Sigrúnu Blöndal, 3.2.2011)