Vínglas
1700 - 1800
Varðveitt hjá
Þjóðminjasafn Íslands
Úr aðfangabók:
Vínglas, glerbikar, alglær, með gyltum börmum og gyltum skildi með kórónu fyrir og greinum beggja vegna. Á skildinum eru stafirnir P S P (?) dregnir á ská rjett og öfugt. Hæð 16,6 cm.; þverm. skálar efst 8 cm.; hún er niðurmjó og bein, dýpt 7,9 cm. Stjettin er venjuleg; 8,7 cm. að þverm. Leggurinn er sívalur, eins og alt vínkerið, með 5 smáhnúðum 2,4 cm. að gildleika mest og 6,4 cm. að lengd. ,,Bikarinn er sagður að vera úr eigu Skúla landfógeta.“ (S. V).
Úr Gersemar og þarfaþing. (Texti eftir Kristínu Huld Sigurðardóttur)
„Hilmar Finsen segir glasið úr eigu Skúla Magnússonar landfógeta (1711-1794). Það er athyglisvert að á meðal fárra fornra glasa safnins eru tvö önnur sögð úr ætt Skúla. Það eru glös í barokkstíl, sem Jósefína Thorarensen í Stykkishólmi færði safninu árið 1889 (Þjms. 3317-3318). Þau eru glær með áblásnu skrautverki og upphafsstöfum Bjarna Pálssonar landlæknis og konu hans, Rannveigar Skúladóttur Magnússonar fógeta.
Norrænir glerfræðingar sem ég hef leitað til telja glas Skúla hugsanlega vera þýskt frá seinni hluta 18. aldar. Nafndrátturinn á því er gylltur skjöldur með kórónu yfir og greinum beggja vegna. Á skildinum virðast vera stafirnir SMS dregnir speglaðir. Fram að þessu hafa þeir verið taldir nafndráttur Skúla, þótt ekki líkist hann þeim sem er á innsigli hans.
Jörgen Hein listfræðingur á safni Rósenborgarhallar taldi að nafndrátturinn gæti hugsanlega verið gerður fyrir Soffíu Magdalenu (1700 - 1770) drottningu Kristjáns VI Danakonungs, þar sem hann taldi sig sjá stafina SM í nafndrættinum, og að skreytingin líktist þeirri í nafndrætti Kristjáns VI. Þetta er allt hugsanlegt en ekki öruggt.“
(Sett inn af Sigrúnu Blöndal, 17.8.2010)
Aðrar upplýsingar
Ártal
1700 - 1800
Efni
Safnnúmer
Safnnúmer A: 2368
Safnnúmer B: 1883-197
Stærð
16.6 x 8 x 7.9 cm
Lengd: 16.6 Breidd: 8 Hæð: 7.9 cm
Staður
Staður: Viðey, 104-Reykjavík, Reykjavíkurborg
Sýningartexti
Vínglas frá 18. öld, sagt úr eigu Skúla Magnússonar landfógeta í Viðey, d. 1794. Á bollanum virðist standa fangamarkið PSP, sem ekki er þekkt.
2368
Vínglas frá 18. öld, sagt úr eigu Skúla Magnússonar landfógeta, sem bjó í Viðey (d. 1794).
Aðfangategund
Undirskrár
Undirskrá: Munasafn
Efnisorð / Heiti
Efnisorð: Vínglas
Heimildir
Kristín Huld Sigurðardóttir. „Glas Skúla fógeta.“ Gersemar og þarfþing. Reykjavík 1994, bls. 52-53.
Upprunastaður
64°9'58.5"N 21°51'14.4"W