Til baka í leit
Veistu meira?

Ljósakróna

1400 - 1500
Varðveitt hjá
Þjóðminjasafn Íslands
Úr aðfangabók: Ljósakróna mjög lítil og gamalleg, kúla úr birki, þverm. 9,5 cm., máluð græn að ofan og með útskornu typpi upp af, en rauð að neðan og útskorin og með lítilli rauðri kúlu (þverm. 3 cm.) neðan undir.  Járnteinn snúinn gengur upp úr kúlunni og lykkja á enda: á hann er fest eins konar vængjum úr járni, br. 15 cm.  Niður úr kúlunni og gegnum litlu kúluna er og annar járnteinn með lykkju á enda.  L. alls 22 cm.  Utan um kúluna miðja er skora og virðist járnband hafa legið í henni, en er nú af.  Í það hefir verið fest 6 ljósapípum og hafa þær verið á járnteinum, er stungið hefir verið inn í kúluna: fylgja nú aðeins 2 að þeim og er þó hvorug heil: skálarnar eru ferhyrndar, þverm. 4,5 cm., ljósapípurnar niðurmjóar, vídd efst um 1,7 cm.  - Vafalaust íslenzk og varla yngri en frá 15. öld.

Aðrar upplýsingar

Ártal
1400 - 1500
Efni
Safnnúmer
Safnnúmer A: 6397 Safnnúmer B: 1912-196
Stærð
22 x 9.5 cm Lengd: 22 Breidd: 9.5 cm
Staður
Staður: Miklagarðskirkja, 601-Akureyri, Eyjafjarðarsveit
Sýningartexti
Gersemar - Fornir kirkjugripir úr Eyjafirði í vörslu Þjóðminjasafns Íslands   Hún er mjög lítil og gamalleg, talin íslensk smíð og varla yngri en frá 15.öld. Á henni hafa verið sex ljósapípur á járnteinum, sem stungið hefur verið inn í kúluna. Aðeins tvær ljósapípur hafa varðveist, hvorug heil. Kúlan er úr birki, máluð græn að ofan og með útskornu typpi upp af, en rauð að neðan og útskorin með lítilli rauðri kúlu neðan undir. Járnteinn snúinn gengur upp úr kúlunni og lykkja á enda; á hann eru festir einskonar vængir úr járni. Niður úr kúlunni og gegnum litlu rauðu kúluna er og annar járnteinn með lykkju á enda. Hæð ljósakrónunnar er um 22 cm.     15th century chandelier from the church at Mikligarður in Eyjafjörður. It has been equipped with six illuminating arms, only two of which have been preserved. The chandelier is made of birch, thought to be of Icelandic making. (Sett inn af Sigrúnu Blöndal, 6.4.2011)
Aðfangategund
Undirskrár
Undirskrá: Munasafn
Efnisorð / Heiti
Efnisorð: Ljósakróna
Heimildir
Þóra Kristjánsdóttir. Gersemar - Fornir kirkjugripir úr Eyjafirði í vörslu Þjóðminjasafns Íslands. Akureyri, 1999.

Upprunastaður

65°29'47.5"N 18°13'6.6"W