Lampi

1500 - 1900

Varðveitt hjá

Lampi úr járni, blikki: hefur sennilega verið tinaður, þótt þess sjáist lítil merki nú, því að hann er allur brunninn sundur af ryði, fallinn í mola. Hefur sennilega verið heillegur er hann kom fyrst til safnsins og var Ólafur Sveinsson gullsmiður fenginn til að gera eptir honum eptirlíking þá úr eiri, sem nú er nr. 5085: sjá hana. - Hann hefur verið flatbotna ker, um 6,8 cm. að h. og 8,6 cm. að þverm. um botninn, sívalur, en ekki ávalur eins og eptirlíkingin er. Botninn hefur gengið dálítið, um 3 mm., útfyrir, þverm. því rjettir 8 cm. - Á tvo vegu hafa verið göt og settar kveikpípur í, víðari að neðan og skáskornar svo, að oddur hefur legið niður á botn, en pípan myndað að neðan um 50° horn við kerið og gengið um 6 mm. uppfyrir barma þess: er þetta ekki rjett heldur á nr. 5085. Neðan við báðar pípurnar hafa verið kveikt nef, sem hafa náð kringum þær, jafnhátt börmunum og 4,1 og 4,7 niður, en bilið milli þeirra og pípnanna er um 7 - 10 mm. Barmurinn hefur verið beygður um grannan vír. Lampinn virðist útlendur að uppruna, en hefur verið lýsislampi hjer. Er sennilega frá miðöldum. - Fannst 2 álnir í jörðu á Ingveldarstöðum í Kelduhverfi.