Blússa
1920 - 1940
Varðveitt hjá
Þjóðminjasafn Íslands
Létt, stutt blússa úr næfurþunnu
hvítu lérefti með munsturlaufum í. Í hálsmál, axlir, brjóst og ermar er
saumaður skrautbekkur (klippt er úr léreftinu fyrir bekknum á öxlum, brjósti
og ermum). Ermarnar ná niður að olnbogum. Sídd blússunnar frá öxl er 31,5
cm og nær hún einungis rétt niður fyrir brjóst. Blússunni er smellt að
aftan með sex málmsmellum en nú vantar þá neðstu og eftir hana eru ryðblettir
í blússunni. Blússan er í góðu ástandi. Blússuna kallaði gefandi, Eva H.
Ragnarsdóttir, moll. Hún er úr eigu móður Evu, Grethe (Margrethe
Harne Ásgeirsson) sem notaði blússuna undir skokk.
Gefandi er Eva Harne Ragnarsdóttir,
blaðamaður og kennari. Lilja Árnadóttir, fagstjóri munasafns Þjms., sótti
gripina á heimili hennar og Önundar Ásgeirssonar að Kleifarvegi 12. Foreldrar
Evu voru Ragnar Ásgeirsson, garðyrkjufræðingur, ráðunautur í Reykjavík,
f. 6. nóv. 1895 í Kóranesi, Álftaneshr., Mýr., d. 1. jan. 1973 og kona
hans Margrethe Harne Ásgeirsson, f. 20. feb. 1895 í Danmörku, d. 12. jan.
1971 (fædd Nielsen Harne). Móðuramma Evu var Margrethe Nielsen, f. 1873
á Samsø í Danmörku, bjó síðar í Árósum.
Aðrar upplýsingar
Ártal
1920 - 1940
Efni
Safnnúmer
Safnnúmer B: 2007-10-6
Stærð
31.5 x 0 x 0 cm
Lengd: 31.5 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Blússa