Legsteinn

Varðveitt hjá

Brot af legsteini með rúnaáletrun. Steinn þessi er ferstrendur, baulusteinn, og áletrun á einni hlið. Öll lengd um það bil 77 sm. Hliðin, sem letrað er á, er sæmilega flöt, ofan við hana er all kúpt hlið, en hliðarnar tvær, sem liggja svo að þeim eru báðar örlítið íhvolfar. Dranginn er allur grábrúnn og fremur ljós. Á broti þessu eru upphaf áletrunarinnar. Grópumgjörð, einföld, er utan um hana á þrjá vegu, við endann, sem heill er, og að ofan og neðan, og eru strikin all vel bein og skýr. Endinn til vinstri er all reglulegur að ofanverðu, en skagar út að neðan, brotsárið er flatt. Áletrunin er lárétt á, eins og tíðkaðist, hún er þannig: (rúnaletur sem tölvan ræður ekki við), þ.e.: HIER HUILER ÞOSDE. Steinninn er hrjúfur og nokkur skóf á honum á leturfleti og hliðinni upp af honum, þ.e. þar, sem jörð hefur ekki hulið. Hann má teljast heillegur. Finnbogi Finnsson, Sauðafelli í Dölum, sendi steininn til safnsins.

Aðrar upplýsingar

Gefandi: Finnbogi Finnsson

Efni

Ólífræn efni, Steinategund

Safnnúmer

Safnnúmer A: 15012 Safnnúmer B: 1951-258

Stærð

77 x 0 cm Lengd: 77 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Legsteinn