Til baka í leit
Veistu meira?

Hlutabréf

1917
Varðveitt hjá
Þjóðminjasafn Íslands
Hlutabréf í Eimskipafjelagi Íslands, sem stofnað var 17. janúar árið 1914. Bréfið er útgefið 1. janúar 1917 og er að andvirði 25 kr. Bréfið er prentað í Prentsmiðjunni Gutenberg árið 1915, eins og fram kemur í neðra horni, vinstra megin. Bréfið hefur verið ógilt, sbr. stimpil á bæði fram- og bakhlið þar sem fram kemur að í stað þessa hlutabréfs hafi Jöfnunarbréf verið gefið út. Hlutabréfið var í eigu Skúla Eyjólfssonar, bónda á Gillastöðum í Laxárdal í Dalasýslu. Síðar eignaðist Jóhann Bjarnason hlutabréfið en hann var tengdasonur Skúla (eiginmaður Þuríðar, dóttur Skúla) og jafnframt afi gefanda. Á bakhlið bréfsins er prentaður útdráttur úr lögum félagsins. Á framhlið hlutabréfsins stendur: A.nr. 7588 HLUTAFJELAGID EIMSKIPAFJELAG ÍSLANDS. 25 kr. A-FLOKKUR nr. 7588 25 kr. Skúli Eyjólfsson, Gillastöðum, Dalasýslu. EÐA SÁ, SEM SÍÐAR ÖÐLAST Á LÖGLEGAN HÁTT EIGNARRJETT AÐ HLUTA- BRJEFI ÞESSU, ER EIGANDI AÐ TUTTUGU OG FIMM KRÓNUM Í HLUTAFJELAGINU EIMSKIPAFJELAG ÍSLANDS MEÐ ÖLLUM RJETTINDUM FJELAGSMANNA OG HÁÐUR SKYLDUM ÞEIM, ER LÖG FJELAGSINS ÁKVEÐA. REYKJAVÍK, 1. jan. 1917. STJÓRN H/F EIMSKIPAFJELAGS ÍSLANDS Sveinn Björnsson formaður J. Friðgeirsson Eggert Claessen Jón Gunnarsson G Gíslason Ólafur Johnson Halldór Daníelsson Gefandi er Freyja Hlíðkvist Ómarsdóttir, starfsmaður Þjóðminjasafnsins.

Aðrar upplýsingar

Ártal
1917
Efni
Safnnúmer
Safnnúmer B: 2007-34-5
Stærð
42 x 27 x 0 cm Lengd: 42 Breidd: 27 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Hlutabréf