Samfella
1875 - 1885
Varðveitt hjá
Þjóðminjasafn Íslands
Samfella úr svargrænu efni sem
í er laufamynstur. Samfellan er 104 cm síð en ummál neðst er 304 cm. Hún
er krækt í mittisstrenginn með tveimur krækjum. Neðst á samfelluna eru
saumaðir fjórir borðar, 5,3 - 6 cm breiðir, úr kóngabláu flaueli. Skófóðrið,
sem er 32,7 cm breitt, er úr brúnu efni með laufamynstri á. Samfellan,
sem er afar vel með farin, er hluti af heilum skautbúningi nr. 2007-11-1
til og með 8. Búninginn saumaði Guðrún Gísladóttir frá Villingavatni, f.
1815, d. 1889. Hún var gift Birni Björnssyni, bónda í Heiðarbæ og Helgadal.
Guðrún saumaði búninginn handa yngstu dóttur sinni, Þórunni. Hún var fædd
árið 1856, d. 1949, og því má ætla að búningurinn sé frá því um 1875-1885.
Gefandi er Guðrún Eiríksdóttir,
f. 31.10.1930. Auk skautbúningsins gaf hún safninu peysuföt, dagtreyju
og sjöl (sjá Þjms. 2007-11-9 o.áfr.).
Aðrar upplýsingar
Ártal
1875 - 1885
Safnnúmer
Safnnúmer B: 2007-11-1
Stærð
104 x 152 x 0 cm
Lengd: 104 Breidd: 152 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Samfella