Spónn
1800 - 1830
Varðveitt hjá
Þjóðminjasafn Íslands
Hornspónn með útskurði.
Lengd spóns þessa er 18 cm, breidd mest 5,2 cm, lengd við skaftið
um 11,6 cm. Er skaftið í tvennu lagi, gengur stúfur aftur frá blaði
og við hann fest spak sem negld er að ofanverðu með fjórum eirtittum. Ristur
er jurtarteinungur á spakinni að ofan, enda á milli, grunnt mjög.
Gulur og með dökkum
flekkjum, rispaður nokkuð og eyddur. Gefinn í tilefni aldarafmælis
safnsins.
Hlutnum fylgir þessi
greinargerði frá gefanda: "Meðfylgjandi hornspónn var lengi
uppáhalds spónn Þórðar Pálssonar á Kjarna í Eyjafirði (1772-1857). Þegar
skaftið bilaði, gerði Þórður sjálfur við það, skar út nýtt skaft og negldi
á. Notaði hann spóninn lengi síðan, svo sem sjá má á því, að nýja
skaftið er nokkuð slitið í endann.
Spónninn komst í
eigu Bjargar dóttur Þórðar, ömmu minnar (1818-1900). Björg giftist
Jóni Jónssyni timburmanni á Tjörn á Skaga og víðar, bróður séra Magnúsar
í Laufási og fleiri systkina. Frá ömmu minni komst spónninn í eigu
Sigríðar móður minnar (1856-1930), en hún gaf mér hann."
Aðrar upplýsingar
Ártal
1800 - 1830
Efni
Safnnúmer
Safnnúmer B: 1963-69
Stærð
18 x 5.2 x 0 cm
Lengd: 18 Breidd: 5.2 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Spónn