Til baka í leit
Veistu meira?

Mál, drykkjarílát + hlutv.

Varðveitt hjá
Þjóðminjasafn Íslands
Mál smíðað úr kopar, fremur smátt, án efa brennivínsmál. Það er sívalt í laginu, ílangt og bogið handfang úr þynnu, sveigskorið, sett á hlið, á barm að utan kveiktur doki, botn sléttur og veggir mynda lága þrim umhverfis. H. 13.9 sm, þvm. 12.4 sm, við bol 7.7 sm, handfang 12.3 sm á h., br. við sjálfan buginn 2.6 sm, og þ. 0.2 sm, er það næstum lóðrétt og fest með þremur koparnöglum, tveimur að ofan, en einum að neðan. Stallurinn við barm 1 sm á h., þ. 0.4 sm mest, þrimin á máli að neðan jafn há og stallur er þykkur, og þ. 1-2 mm. Ofarlega og að utan eru þrír kringlóttir stimplar og nokkru neðar má sjá greypt ártal. Snúi haldan til hægri, veit einn stimplanna beint að, hér 1/2 P og dílahringur utan um, þvm. um 0.8 sm. Andspænis eru saman hinir kringlóttu stimplarnir tveir, einnig með dílakumpás, og ártali. Í þeim, sem nær liggur höldu, þvm. liðl. hálfur sm, er kóróna efst og undir C5 (5 á að vera inni í c-inu), merki Kristjáns konungs fimmta, en í hinum eru þrír turnar og þvm. hér álíka. Sett er ártalið, 1897, á hlið og lóðrétt, og er það á móts við mitt bilið milli merkjanna tveggja. All gróf smíð. Víðast módökkur litur á málinu og að innan hrímgrá húð, ljós koparlitur á höldunni og á botni að neðan. Tvær smáar rifur eru í höldu, sjá má bungur á, tveir stimplanna máðir við jaðra. Mál þetta fannst í rusli í kjallaranum að Austurstræti 12. Sbr. Þjms. 14284, Ásbúð. (Viðbót: Þetta er löggilt mál, sem tekur hálfan pott. C5 er löggildingarmerki og turnarnir eru merki Kaupmannahafnar.)

Aðrar upplýsingar

Efni
Safnnúmer
Safnnúmer A: 15561 Safnnúmer B: 1955-4
Stærð
13.9 x 0 x 0 cm Lengd: 13.9 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti