Til baka í leit
Veistu meira?

Skatthol

1780 - 1830
Varðveitt hjá
Þjóðminjasafn Íslands
Skatthol lítið, smíðað úr furu og eikarmálað eða mahógnýmálað öllu heldur, en undir þeirri málningu er dökkblá málning. Það er 68 cm. að l., lokið 69,3, og 40,5 að br., en h. er 64,6 og fætur að auki, h. 7,2, en þá vantar nú að aftan*** (sjá Athugasemdir). Það er með 3 skúffum, álíka stórum. Undir lokinu er það bleikt nú, en hefur verið blátt áður: er þar miðhólf lítið með hurð fyrir og 2 litlar skúffur hvoru megin eru hinar efri miklu mjórri en hinar neðri, þær ná ekki eins lagnt fram. Lokið hvílir á rimlum, sem eru dregnir út eins og venja er til: það er 31,5 að br. og ætlað til að skrifa á því innanverðu. Því og skúffunum hefur verið læst, en skráin er nú frá því og sömuleiðis tveimur af skúffunum, og lykil vantar að þeirri skrá sem enn er fyrir neðstu skúffunni. Skráarlaufin eru öll fyrir enn: þau eru oddmynduð í báða enda, með bogadregnum hliðum. Fyrrum átti þetta skatthol faðir gef., Sveinn kaupmaður Guðmundsson á Búðum, og enn fyr bróðir hans, Guðmundur kaupmaður Guðmundsson, sá er Jónas Hallgrímsson orkti eptir erfiljóðin Leiður er mjer sjávar sorti o. s. frv., sjá Skírni 17. ár, bls. (11). Stendur P. G. undir kvæðinu, því að það er orkt undir nafni Pjeturs, bróður Guðmundar: handrit Jónasar er í handritasafni Árna Magnússonar prófessors, K:G: (c. handritasafn Konráðs Gíslasonar ¦ 31 a I. XXXII: enda prentað í öllum, 3, útgáfum af kvæðum Jónasar. Á undan þeim bræðrum átti faðir þeirra, afi gef. skattholið.

Aðrar upplýsingar

Ártal
1780 - 1830
Efni
Safnnúmer
Safnnúmer A: 9068 Safnnúmer B: 1925-37
Stærð
68 x 64.6 x 0 cm Lengd: 68 Breidd: 64.6 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skatthol