Reiði, af reiðtygjum

Varðveitt hjá

Reiði, allur látúnsbúinn að ofan: hann er úr íslenzku leðri tvöfaldur, með tveimur sprotum aptur og fram, sem opt var siður á gömlum reiðum.Á miðjunni er látúnskúla eða skjöldur, með rós í miðjunni: utan með er grafið með höfðaletri: „Vísann eig gvuð á enda ævi.“ Allur er reiðinn settur aptur og fram með ferskeyttum doppum þykkum, sem tíglar í lögun með verki að ofan. Í kringum kúluna er sett smærri doppum í lögun sem sexblaðarós: neðan í allar þessar doppur á reiðanum er festur nagli, sem gengur í gegnum leðrið, með ró á enda, og er hnoðaður þeim megin. Eg hefi getið þess hér að framan við nr. 892, að þessir doppunaglar með þykkum hausi, sem hnoðaðir eru í gegnum leðrið, mundu vera það sama sem Grettiss.Bls. 223 kallar „háseymt“ - saumur er fornt nafn á nagla - og að þetta þýði saum með háum hausi skreyttum, en sem eiginlega var hafður til að festa saman með leðrið, sem vanalega var tvöfalt eða þrefalt. Eg get ekki skilið, hvað það annars ætti að vera.

Aðrar upplýsingar

Gefandi: Hannes Stephensen

Efni

Ólífræn efni, Málmur, Látún
Lífræn efni, Dýraríki, Skinn, Leður

Safnnúmer

Safnnúmer A: 984 Safnnúmer B: 1873-67

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Reiði, af reiðtygjum