Panta mynd Notkunarskilmálar

Kistill, + hlutv.

1820 - 1875

Varðveitt hjá

Þjóðminjasafn Íslands

Úr aðfangabók: Útskorinn ferhyrndur kistill negldur með tréfleygum. Hliðarnar eru negldar ofan á botnfjölina, lokið fellur ofan á og er á hjörum. Með endum loksins eru negldar smáspýtur sem falla út yfir gaflana. Kistillinn er skreyttur á öllum hliðum og á loki og minnir munstrið á jurta- eða blómamynstur. Munstrið framan á er samhverft (symmetriskt). Kistillinn er málaður með brúnni lakkmálningu. Kistillinn er talinn vera smíðaður af Bólu-Hjálmari.* Hjónin Jóna Hjálmarsdóttir og Ásmundur Friðriksson erfðu hann eftir móður Ásmundar, Ingibjörgu Ásmundsdóttur sem mun hafa verið úr V-Húnavatnssýslu. Gústaf Þór Tryggvason afhenti kistilinn en þau hjónin, sem bæði eru látin, höfðu óskað eftir að hann færi í Þjóðminjasafnið. * Freyja Hlíðkvist Ómarsdóttir, febrúar 2011: Óvíst er hvort kistillinn sé skorinn af Bólu-Hjálmari, þó sú saga fylgi gripnum. Að mér vitandi eru ekki þekktir aðrir gripir eftir Hjálmar með sams konar stafagerð og er í upphafsstafnum K á lokinu. Skurðurinn er hins vegar nokkuð algengur og er svipaður því sem sjá má á nokkrum öðrum gripum í safninu. Skurðurinn á t.d. ýmislegt sameiginlegt með útskurði á kistli nr. Á 239. Sá kistill er einnig sagður talinn vera eftir Bólu-Hjálmar en þessir tveir gripir eru ólíkir flestu því sem vitað er að sé eftir Hjálmar.