Saumakassi
1850 - 1860
Varðveitt hjá
Þjóðminjasafn Íslands
Lítill saumakassi úr spónlögðum viði, fóðraður rauðum pappír og með spegil innan í loki. Efst er laus "hilla" með nálhúsi úr beini, skærum og fingurbjörg með upphafsstöfum eiganda: O. B. S. og í hilluna eru mörkuð hólf fyrir þessi áhöld. Auk þess eru mörkuð tvö önnur hólf, hringlaga, sem gætu passað undir einhvers konar saumahringa eða þráðaspjöld. Einnig er lítil lykkja sem hefur líklega átt að halda nálum, títuprjónum eða nálaþræðara. Á "hillunni" er líka nálapúði. Ofaná "hilluna" er lagður rauðleitur satínpúði sem orðinn er mjög upplitaður. Kassinn er úr eigu Ólafar Björnsdóttur (f. 1830, d. 1874), sem var dóttir Björns Gunnlaugssonar yfirkennara og landmælingamanns og eiginkona Jens Sigurðssonar, rektors við Lærða skólann, bróður Jóns forseta Sigurðssonar . Gefandi er alnafna hennar og afkomandi í 5. lið (sjá ættartöflur gefanda í möppu: Fylgiskjöl aðfangabókar). Í saumakassanum, undir "hillunni" er lykillinn að kassanum og málmskjöldur sem dottið hefur af lokinu og einkennilegt, stjörnulaga tréspjald, ekki gamalt. Þar er líka hvítur vasaklútur frá gefanda með upphafsstafi hennar: Ó, og umslag sem í er hárlokkur úr hári Ólafar eldri. Saumakassinn er í góðu ástandi en þó er brotið upp úr spóninum í neðra horni hægra megin að framan og nær brotið út til hliðanna. Einnig er brotið lítið eitt úr öðru horninu að aftanverðu sem og umhverfis skráargatið.
Aðrar upplýsingar
Ártal
1850 - 1860
Efni
Safnnúmer
Safnnúmer B: 2006-23-1
Stærð
12 x 9.2 x 5.8 cm
Lengd: 12 Breidd: 9.2 Hæð: 5.8 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Saumakassi