Panta mynd Notkunarskilmálar

Hægindabekkur

1700 - 1800

Varðveitt hjá

Þjóðminjasafn Íslands

Hægindabekkur, um 170 sm. á lengd og 50 sm. á breidd, með 4 fótum að framan og 2 að aftanverðu. Hann er með baki ca. 65 sm. háu, er það á að sjá sem þrjú samfeld stólbök og sama er að segja um bekksröndina að framan að hún er í bugðum sem þrír stólar væru: fæturnir eru bognir og er efri hluti þeirra og bekkröndin og allt bakið að framan verðu með skurði í 18. aldar stíl. Til beggja enda hafa gengið bognar álmur úr bakinu niður í bekkinn, sem nú eru brotnar og týndar. Bekkurinn er nú stoppaður og klæddur útlendum dúk allnýlegum. Þessi gripur er seldur safninu af ekkjufrú Ragnheiði (?) Thorarensen, hann er úr búi Skúla sál. læknis Thorarensens á Móheiðarhvoli, er var dótturdóttursonur Skúla landfógeta Magnússonar, en hann (Skúli landfógeti) kvað fyrstur hafa átt bekkinn.