Rúmfjöl
1882
Varðveitt hjá
Þjóðminjasafn Íslands
Úr aðfangabók:
Rúmfjöl úr furu, máluð framhlið með ýmsum litum, og er upphleyptur útskurður á þeirri hliðinni, í miðju stafirnir „AAS“ , dregnir saman öfugir og rjettir, og kóróna yfir. Beggja vegna greinar, með grænum blöðum og rauðum blómum. Fyrir ofan og neðan við þau eru svartar leturlínur, mest höfðaletur, og er hjer skorin hin algenga rúmfjalavísa: wertu ifer og altum kring meD - eiliFr (sic: ) Blessan þinni sitii GUDS - - (engla)r samann i HrinG sænG - inni yfir minni: síðan eru línunni til útfyllingar nokkur merki ( 7 - 8 ? ), er virðast ekki eiga neitt að tákna. Á þverbekkjum við miðjuna er G Vib. J - 1882. L. 122,5, br. 23,3 og þ. 1,4 cm. Rifin að endilöngu og spengd. Eptir Guðm. Viborg silfursmið. ( 18. 1910 ).
Skáldað í tré (sýningarskrá):
Sá sem telja má einna síðastan skurðlistarmann í hinum gamla íslenzka stíl, er Guðmundur Viborg, f. 1858, d. 1936. Hann var sjómaður og lærður silfursmiður, en hefur einnig skorið allmarga ágæta gripi, einkum rúmfjalir, í hinum gamla íslenzka skurðstíl
Yngstu gripir hans eru frá um 1895, og munu það vera hvað síðustu gripir, sem skornir eru af þeim lærdómi einum, sem hver tréskurðarmaður fékk af öðrum ólærðum án eiginlegrar tilsagnar eða skólavistar.
(Sett inn af Sigrúnu Blöndal, 7.1.2011)
Aðrar upplýsingar
Ártal
1882
Efni
Safnnúmer
Safnnúmer A: 10648
Safnnúmer B: 1930-55
Stærð
122.5 x 23.3 x 1.4 cm
Lengd: 122.5 Breidd: 23.3 Hæð: 1.4 cm
Staður
Núverandi sveitarfélag: Ísafjarðarbær, Ísafjarðarbær
Aðfangategund
Undirskrár
Undirskrá: Munasafn
Efnisorð / Heiti
Efnisorð: Rúmfjöl
Heimildir
Þór Magnússon. „Norska gjöfin.“ Gersemar og þarfaþing. Reykjavík 1994, bls. 146-147.
Þór Magnússon. Skáldað í tré. Íslensk skurðlist úr Þjóðminjasafni. Sýningarskrá. Reykjavík, 2001.