Einkenniskjóll, skráð e. hlutv.

Varðveitt hjá

Einkenniskjóll amtmanns. Hann er úr hárauðu klæði smágjörvu: undir löfunum er ljósbleikt klæði, sem og er lagt utanyfir þau á jöðrunum: það er og lagt inn í randirnar á bolnum að framan og neðan, og í vasalok að aptan: en undir boðöngum er rautt klæði. Undir baki og síðum er bleikt ljereptsfóður og ermum ljósgrænt silki. Kraginn og erma - uppslögin eru úr grænu klæði utan og innan, ríkulega gullbaldýruð og eru eikargreinar með blöðum og örkörnum á. Látúnshnappar gyltir, 10 að tölu, eru á hægri boðangi, 3 neðanvið vasalokin að aptan og 2 aptan á bakinu þar sem saman koma löf og bak. - Vasalokin eru gervilok: vasarnir eru í löfunum með opum innaná þeim, langsum. - Hnapparnir eru dálítið hvelfdir, 2,2 cm. að þverm., með skjaldarmerki Danmerkur á, upphleyptu, og er kóróna yfir skildinum. Kraginn er 45 cm. að lengd efst, 53 neðst, 7 að br. við enda, 7,6 í miðju (að aptan): hann er með krók og lykkju neðst að framan. Boðungarnir eru lítið eitt bogadregnir að framan, og hornrjettir neðst: þeir eru 42 cm. að l. að framan: br. við kraga 21 cm., að ermi 24, að lafi 26, undir höndum, á miðri síðu, 50 cm. aptur að baki: bakið er 14,5 cm. við kraga, 39 milli erma, 5,5 cm. neðst, um mittið, að br.: l. þess er 40,5 cm. Löfin eru 51 cm. að l., br. 26 cm. efst, 8 cm. að br. neðst. Ytri jaðarinn er 58 að l., bogadreginn. Uppslögin eru að l. 28,5 cm., br. 9,5 cm. - Á öxlunum eru borðar til að festa axlaskúfana undir, úr gullvírsborða, og ofar klæðislykkjur til að krækja þeim í.

Aðrar upplýsingar

Bjarni Þorsteinsson Thorsteinsson, Notandi
Gefandi: Árni Árnason Thorsteinsson

Efni

Lífræn efni, Textíll, Náttúruleg vefjarefni, Ullarefni, Klæði

Safnnúmer

Safnnúmer A: 2770 Safnnúmer B: 1886-42

Staður

Núverandi sveitarfélag: Reykjavíkurborg, Reykjavíkurborg

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Einkenniskjóll, skráð e. hlutv.