Fat, sem matarílát og til framreiðslu matar
1904 - 1917
Varðveitt hjá
Þjóðminjasafn Íslands
Fat (eða diskur), fremur lítið,
úr hvítu postulíni með skrautgyllingu og tveimur fálkafánum í miðju. Fatið
er brotið í tvennt. Að auki eru minni brot og nokkur þeirra fylgja með,
þó vantar nokkuð í til að hægt sé að líma fatið saman. Fatið hefur verið
alveg eins og það nr. 2007-15-3. Á fatinu hafa verið tvö lítil eyru (höldur)
annað þeirra er nú brotið af og vantar nokkur brot í það. Þvermál fatsins
hefur verið 27,8 cm með eyrunum en 25,8 cm án. Mesta þvermál nú er hins
vegar 265 cm. Hæð disksins að ytri brún eyra er 3,7 cm. Undir botni er
framleiðslustimpill: fugl og stafirnir C.T. í grænum lit.
Gripir nr. 2007-15-1 til 4 eru
hlutir úr sama stellinu, svokölluðu fálkastelli. Það mun frá árabilinu
1904-1917 er fálkinn var í skjaldarmerki landsins. Nr. 1 er kanna með loki
(kaffi- eða súkkulaðikanna); nr. 2 er kökudiskur með haldi; nr. 3 er kökufat
eða -diskur; nr. 4 er kökufat eða -diskur, brotið. Stellið var í búi Rósu
Þórarinsdóttur að Unnarstíg í Reykjavík (f. 1885, d. 1972). Hún vann sem
bókhaldari í Jes Ziemsen í 60 ár. Hún var gift Halldóri Sigurðssyni stúdent.
Hann var frá Vestmannaeyjum og vann allan sinn starfsaldur hjá Ziemsen.
Þau voru barnlaus. Gefandi, Þórunn Halldórsdóttir hjúkrunarfræðingur, er
systurdóttir Rósu. Móðir hennar, hálfsystir Rósu (samfeðra) hét Lilja (f.
1915, d. 2006).
Svipað stell er að finna í safninu,
nr. 1994-12 til 1994-16. Stellin eru mjög lík en þó ekki eins.
Aðrar upplýsingar
Ártal
1904 - 1917
Safnnúmer
Safnnúmer B: 2007-15-4
Stærð
26.5 x 3.7 x 0 cm
Lengd: 26.5 Breidd: 3.7 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Heimildir
Birgir Thorlacius: "Fáni Íslands
og skjaldarmerki." Sérprent úr Andvara.