Hákarlaskip, líkan
Varðveitt hjá
Þjóðminjasafn Íslands
Eptirmynd úr furu
af breiðfirðsku flutninga og hákarlalegu skipi, l. 177 cm., br. um sigluþóftu
56,5 cm. með barkaþóftu (lausri) , hálsþóftu, sigluþóftu, miðskipsþóftu
austurrúmsþóftu og bita, með vindingskeipum fyrir aftan, og er fiskifjöl
undir, en alls eru 6 keipar í hvorum hástokki. Hástokkurinn er negldur
ofan á borðstokkinn og slíður (listi) er umhverfis. Hnífilkrappar og stafnlok
eru í báðum stöfnum. Ofan á báðum endum hverrar þóftu (nema barkaþóftunnar)
er knjelisti ( kollharður ), en undir endunum langýsur eptir öllum böndum
og undir miðri þóftu er snælda (stilkur). Taumastjórn er á stýrinu, en
ekki sveifarstjórn, sem þó tíðkaðist fremur á stórum skipum, er taumunum
fest í stjórnvölinn. Ein sigla er miðskipa (h. 125 cm.) í stellingu: er
á henni stórsegl á rá, sniðið ferskeytt, h.55 sm.,br neðst 121 cm., efst
97 cm., efri horn eins bæði og sömuleiðis hin neðri. Upp af er fokka
á annari rá, lík seglinu að lögun, en minni, h. 29 cm., br. neðst 92 cm.,
efst 62 cm. Dragreipi eru þrjú: neðrahjólsdragreipi, stórsegls og
fokku dragreipi. Vindband er á seglinu. Stagir tvennir á siglu, neðri og
hærri og framstagur að auki. Árar 10 fylgja, l. 78 cm. skeyttar allar með
látúnsþynnum, en venjulega voru þó slíkar árar skeyttar með eik. Ennfremur
fylgir beytiás, stjaki, grindarstjóri með grjóti innan í, austurtrog og
4 eikarhlunnar . Eptirmynd þessi er gerð af Bjarna Þorkelssyni (prests
Eyjólfssonar), skipasmið. Grein með mynd í Óðni 1913, bls.
52.
Aðrar upplýsingar
Bjarni Þorkelsson, Hlutinn gerði
Efni
Safnnúmer
Safnnúmer A: 6171
Safnnúmer B: 1911-74
Stærð
177 x 56.5 cm
Lengd: 177 Breidd: 56.5 cm
Aðfangategund
Undirskrár
Undirskrá: Munasafn
Efnisorð / Heiti