Til baka í leit
Veistu meira?

Lykill, til að opna skrá

1000 - 1550
Varðveitt hjá
Þjóðminjasafn Íslands
Hlutur úr járni, torkennilegur, líkist helzt lykli, sem skeggið er brotið af, en mun þó ekki vera það. Hann er 10,2 cm að l. með kringlótt handfangi* eða haldi á öðrum endanum, 2,1 cm í þvm., en ekki er tekið kringlótt innan úr því heldur margvíslega skörðótt og má vera, að gler eða emaille hafi upphaflega verið fellt í. Til þessa bendir leggurinn, sem er gildastur um miðjuna, 1 cm, er vafinn koparþræði, sem hamraður er inn í hann. Hefur gripur þessi því verið forkunnar fínn. Brotið er af hinum endanum, en vel hefði þar getað verið hnífsblað, og væri þetta þá ekki annað en skaft af fínum hnífi, en bezt er að fullyrða ekkert. - Fannst um 2 m í jörðu í túninu (líkl. í Fljótsdal í Fljótshlíðarhr. FFJ) *Skeggi: Skeggið er á en á hinum enda hefur líkl. verið auga með hring. Þ.M. Mynd af mjög svipuðum lykli er í sýningarskrá Trondheim, en by i middelalderen, bls. 86-87. Sá er ótímasettur, en frá miðöldum. Þ.M.

Aðrar upplýsingar

Ártal
1000 - 1550
Efni
Safnnúmer
Safnnúmer A: 12780 Safnnúmer B: 1939-253
Stærð
10.2 x 0 x 0 cm Lengd: 10.2 Breidd: 0 Hæð: 0 cm
Staður
Staður: Fljótsdalur, 861-Hvolsvelli, Rangárþing eystra
Sýningartexti
Lykill frá merlulás, sérstakri gerð af hengilás, sennilegast frá miðöldum. Er fundinn djúpt í jörðu í túninu í Fljótsdal í Fljótshlíð. 12780 Lykill frá hengilás, sennilegast frá 11. -16. öld. Fundinn í jörðu í Fljótshlíð á Suðurlandi. 12780 Spjaldtexti: Lyklar og lásar frá miðöldum. Sumir lyklanna fundust í kumlum og hafa gengið að smákistlum. Medieval keys and locks. Some are keys to chests, and have been found in graves.
Aðfangategund
Undirskrár
Undirskrá: Fundaskrá Undirskrá: Fundaskrá_Lausafundir
Efnisorð / Heiti
Heimildir
Kristín Huld Sigurðardóttir: "Haugfé. Gripir úr heiðnum gröfum." Hlutavelta tímans. Menningararfur á Þjóðminjasafni. Rvk. 2004. Bls. 64-75, lyklar 72. Kristján Eldjárn. Kuml og haugfé. Rvk. 2000. Bls. 401-402. Þór Magnússon: "Málmsmíðar. Gripir til gagns og prýði." Hlutavelta tímans. Menningararfur á Þjóðminjasafni. Rvk. 2004. Bls. 302-311, lyklar 307.

Upprunastaður

63°42'52.8"N 19°43'46.2"W