Veggteppi

1860 - 1880

Varðveitt hjá

Veggteppi sem útbúið er úr bekk af samfellu eða pilsi. Bekkurinn hefur verið strengdur á blindramma. Grunnurinn er svartur en saumað í hann blómamynstur með gulleitu ullargarni. Munstrið er frá Sigurði málara og því má ætla að pilsið hafi elst verið frá því um 1860 en bekkurinn var mun síðar strengdur á rammann. Pilsið var upphaflega úr Breiðafjarðareyjum. Gefendur eru Björk Guðmundsdóttir og Jón Hallur Jóhannsson, Lágholtsvegi 4 í Reykjavík. Veggteppið átti móðir Jóns, Sesselja Helga Jónsdóttir, og hún lét strengja bekkinn á blindrammann. Það gerði maður að nafni Þorgeir Sigurðsson sem var smiður á Hólmavík. Sesselja var fædd í Reykjavík, fluttist til Hólmavíkur, þaðan á Sauðárkrók og loks aftur til Reykjavíkur, þá um sjötugt. Veggteppið hékk alla tíð uppi á heimilum Sesselju, allt þar til hún lést árið 2006, en það var ósk hennar að það færi til Þjóðminjasafnsins eftir hennar dag. Sesselja Helga fékk pilsið frá Flatey. Talið er að pilsið sé upphaflega frá Kristínu Guðmundsdóttur, systur Jóns Sveinssonar, Nonna, en hún var amma eiginmanns Sesselju Helgu, Jóhanns Salbergs Guðmundssonar. Hann var fæddur í Flatey, en Kristín Guðmundsdóttir bjó að Sviðnum. Veggteppið er í góðu ástandi, virðist lítið sem ekkert upplitað, en klæðið hefur rifnað á nokkrum stöðum við brúnir blindrammans. Sjá einnig veggteppi nr. Þjms. 2007-26-2 sem einnig er frá Sesselju Helgu Jónsdóttur.