Til baka í leit
Veistu meira?

Rekkjurefill

Varðveitt hjá
Þjóðminjasafn Íslands
Rekkjurefill með marglitum ísaum á hvítt hörlérept: á honum eru 8 sexhyrníngar tengdir saman með smærri ferhyrníngum: innan í öllum sexhyrníngunum eru sýnd tré, sem tvær dúfur sitja á og snúa flestar saman nefjum, eins eru víðast á milli sexhyrnínganna að neðan tvær dúfur, sem báðar halda með nefinu í sama blóm. Þetta er mjög skáldlegt, því dúfan er ástar og saklsysis einkenni, og tréð og blómið, sem hér er sýnt, mun eiga að tákna lífstré eða lífsblóm, sem báðar dúfurnar njóta sameiginlega. Þetta bendir á, að refillinn sé ætlaður um hjónarúm, að ofan og neðan er saumað með bandaletri:  „standið, upp, Kristii, börnin, bliið, birter, sig, morgun, stiarnann, friið, listileg, ástar, liós, hvn, er, lioma, vmm, allann, heiminn, ber, Klár, morgvn, stiarna, kom, þú, sæl,.“  Á endanum er laufaviður með þremur blöðum í hverjum bug, líkustum smáralaufum, Nr. 160 og 161 er líka með 9 og 8 hríngum og rósum eða trjám innan í með dúfum: það fyrra hefir þriggja þuml. breiðan bekk ósaumaðan að neðan, en það síðara 6 þuml., en Nr. 615 og Nr. 337 hefir ekkert ósaumað að neðan. Til hvers sá bekkur hafi verið hafður, er óvíst, allrahelzt vegna þess, að hann er líka hafður á kirkjureflunum. Varla gátu neðri tjöldin hafa gengið að utanverðu upp á reflana, því þá yrðu að sjást göt í þá neðanverða fyrir tjaldsnaglana, enda munu neðri tjöldin ætið hafa gengið upp undir reflana, eins og altarisklæðin jafnan gánga upp undir altarisbrúnirnar, og hafa þau því tíðum ósaumaðan bekk að ofan, eins og Nr. 404: eg held því, að þessi bekkur hafi einúngis verið hafður til skilmerkilegrar aðgreiníngar milli refilsins og tjaldanna eða dúkanna 1), sem voru þar fyrir neðan, hvort heldur sem var á veggjum eða rekkjum.    1) orðið tjald hefir almenna merkíng, en aptur á móti eru orðin: reflar, borðar, brúnir og dúkar einskorðaðrar merkíngar, sjá Nr. 405.

Aðrar upplýsingar

Efni
Safnnúmer
Safnnúmer A: 615 Safnnúmer B: 1868-205
Aðfangategund
Undirskrár
Undirskrá: Munasafn
Efnisorð / Heiti
Efnisorð: Rekkjurefill