Til baka í leit
Veistu meira?

Blekbytta

Varðveitt hjá
Þjóðminjasafn Íslands
Blekbytta, steypt úr járni, skrautleg, máluð svört, sem Jónas Hallgrímsson skáld gaf Þórði Jónassen háyfirdómara, eitt sinn er hann kom frá Höfn, en Jónas hafði verið heimagangur hjá Jónassen á Víkurárum sínum. H. byttunnar öll 14.3 sm, þvm. mest neðst, 8.6 sm á annan veg, um 8.4 sm á hinn. Er þetta ferstrent, upphátt hylki með loki á að ofan, sem í má láta blekílát, og er fyrir það nokkurn veginn sporlaga op í plötu efst á bol, en aftan við tvö hylki, stungið niður um op, annað fyrir þerri...?, lok á með typpi og litlum götum gegn, en hitt, sem er opið, undir vatn. Aðalílát vantar. Lokið flatt, holt innan, hliðar lóðréttar, og að ofan lítið líkneski, engill, er situr og les í bók. Myndin, skrúfuð á, er 5.9 sm á h., þvm. mest 8.1 sm, og nær lítið eitt út fyrir lokbrún. Neðri hluti byttunnar er einnig holur, platan myndar barð umhverfis, það þrefalt og látið dragast að sér að neðan, en lág brún, sem lok fellur að, rís utarlega að ofan. Bolur teningslaga, þvm. mest 6.3 sm, og á hliðunum lágt upphleypt blómskrúð, smágert og í því ýmsar myndir. Neðst 2.8 sm hár fótur, skáreim að ofan með lágt upphleyptu blaðskrauti, en brúnir neðan við nær lóðréttar og h. þar 1.9 sm. Járnborði þversum í hylkinu við mót fótar, og grunnur, sívalur járnteinn milli hans og plötu, skrúfaður í að neðan. Engilmynd laus nokkuð og hringfar á plötu eftir annan fótinn. Ryð má sjá að innan. Byttuna fékk Sigríður, dóttir Þórðar Jónassonar. Átti hún heima í Kaupmannahöfn og dó þar. Muni hennar suma, m.a. þennan, erfði bróðurdóttir hennar, Soffía Claessen, og þannig barst byttan aftur til Íslands.

Aðrar upplýsingar

Efni
Safnnúmer
Safnnúmer A: 15870 Safnnúmer B: 1957-135
Stærð
14.3 x 8.6 x 8.4 cm Lengd: 14.3 Breidd: 8.6 Hæð: 8.4 cm
Sýningartexti
Blekbytta steypt úr járni í nýklassískum stíl, sem Jónas Hallgrímsson skáld, d. 1845, gaf Þórði Jónassen háyfirdómara eitt sinn er hann kom frá Höfn, en Jónas var heimagangur hjá Þórði á Reykjavíkurárum sínum. 15870 Blekbytta, gjöf frá Jónasi Hallgrímssyni skálds til vinar hans Þórðar Jónassens dómstjóra í Reykjavík.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Blekbytta