Sykurkar
1867
Varðveitt hjá
Þjóðminjasafn Íslands
Sykurkar úr silfri, hringlaga,
á fæti og með tveimur höldum (eyrum). Það er 11 cm hátt mælt við efsta
hluta haldanna en 8 cm mælt við skálarbarminn. Þvermál með höldum er 16,8
cm en um 14 cm mælt um bumbu skálarinnar þar sem hún er víðust. Þvermál
yfir skálarbarma er um 12 cm. Sykurkarið er samstætt rjómakönnu númer Þjms.
2008-10-2. Á karið eru grafnir jurtateinungar og laufgreinar. Sykurkarið
var upphaflega í eigu hjónanna Eiríks Kúlds, prófasts og alþingismanns
á Stykkishólmi, og konu hans Þuríðar Sveinbjarnardóttur Kúlds. Nöfn þeirra
eru grafin í skálina, inn í jurtateinunga:
Eíríkur Kuld
Þurídur Kuld
Á botni skálarinnar eru fjórir
stimplar. Einn þeirra er með þremur turnum, sem er silfurstimpill Kaupmannahafnar,
þar sem sykurkarið er smíðað. Annar stimpill er PRAHL, þriðji stimpill
er mjög ógreinilegur en er samsettur úr tveimur bókstöfum þar sem hinn
fyrri er R. Fjórði stimpillinn er 67 og segir til um smíðisárið, þ.e. 1867.
Eftir Eirík og Þuríði Kúld er talið
að Katrín Ólafsdóttir, systir Eiríks, hafi átt sykurkarið. Eftir það átti
Theodóra Thoroddsen karið, svo María Skúladóttir Thoroddsen og loks Jón
Thor Haraldsson, eiginmaður Steinunnar Stefánsdóttur sem gefur safninu
gripinn. Steinunn gefur karið til Þjóðminjasafnsins ásamt rjómakönnunni
nr. Þjms. 2008-10-2, að ósk Jóns Thors eiginmanns hennar.
Gefandi kom með gripina í Þjóðminjasafnið
9. mars 2008 þegar haldinn var svokallaður greiningadagur í safninu: „Áttu
forngrip í fórum þínum?“. Þá gafst fólki tækifæri til að koma með gamla
gripi og láta sérfræðinga Þjóðminjasafnsins skoða og greina gripina.
Aðrar upplýsingar
Ártal
1867
Efni
Safnnúmer
Safnnúmer B: 2008-10-1
Stærð
11 x 16.8 x 0 cm
Lengd: 11 Breidd: 16.8 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Sykurkar