Panta mynd Notkunarskilmálar

Spiladós

1890

Varðveitt hjá

Þjóðminjasafn Íslands

Spiladósin er í svörtum trékassa með opnanlegu loki. Ofan á lokinu hefur verið málað framleiðslumerki fyrirtækis en það er að mestu máð af. Kassinn hvílir á stalli með fjóru fótum og er hann yngri en kassinn með spiladósinni. Framan á kassanum undir skráargatinu er silfurskjöldur þar sem á er grafið nafn Ásthildar og afmælisdagurinn. Undir lokinu er annað lok með gleri í ramma spilverkinu til hlífðar. Spiladósin er stór málmsívalningur sem snerist þegar sveif til vinstri við dósina var snúið eða hún trekt upp, þá lék sívalningurinn um greiðu og gat þá leikið 8 mismunandi lög eftir því hvernig spiladósin var stillt samkvæmt blaði sem er fest innan á lokið. Framan við sívalninginn er harpa úr málmi til skrauts. Spiladósin er framleidd hjá Petersen og Steenstrup, Musik og instrumentlager, Lille Kongensgade 40 í Kaupmannahöfn. Ásthildur Thorsteinsson frá Bíldudal átti spiladósina. Hún fékk hana í afmælisgjöf frá manni sínum Pétri J.Thorsteinsson þann 16. nóv. 1890. Þau voru móðurforeldrar gefandans Gyðu Thors.