Torfljár

Varðveitt hjá

Úr aðfangabók: Torfljár með skammorfi úr furu: stendur tanginn gegnum það og skrúfuð ró á aftanvið: mun slíkt óvenjulegt, en hitt algengt, sem er á nr. 7560, sbr. og nr. 8343 og 8345. -Blaðið er 42,5 cm. að l. að þjói og 2-3,4 að br., líkt nr. 8343 að gerð, að eins minna. -Skammorfið er 5,5 að br. um miðju og er þar með járnplötum beggja vegna: um endana er það að eins 2,5 - 3 cm. að þverm., en á lengd er hvor helmingur um 19 cm. -Orðinn allgamallegur, einkum skammorfið. -Með slíkum ljáum er ætíð rist torf, bæði á hey og til bygginga. Úr Gersemar og þarfaþing: (Texti eftir Þórð Tómasson) Þjóðminjasafnið var framan af árum öllu fremur safn listiðna en áhalda. Því réð lítið húsrými og það að vinnutæki gamalla atvinnuhátta voru enn í daglegri notkun. Árið 1921 var haldin búsáhaldasýning í Reykjavík og safnað til hlutum víða að úr sveitum. Stefán Jónsson bóndi á Munkaþverá í Eyjafirði lánaði til hennar nokkra hluti og gaf þá síðan Þjóðminjasafninu. Gripirnir í gjöf hans voru ýmist eftirlegukindur horfinna búhátta eða í þann veginn að hverfa úr notkun. ... Tveir torfljáir fylgdu hér með, annar skammorfslaus (Þjms 8344 og 8345). Þjóið á Þjms. 8344 gengur aftur um skammorfið mitt, járnþynnur til styrktar hvorum megin og skrúfuð ró í endann, óvenjulegt að vitni Matthíasar Þórðarsonar. Stundum gekk þjó beint upp úr miðju skammorfi. Torfljáir skiptust í tvískera og einskera, sem skar torfuna í einu umfari. Til voru einskerar með tveimur skammorfum. (Sett inn af Sigrúnu Blöndal, 27.8.2010)

Aðrar upplýsingar

Gefandi: Stefán Jónsson

Efni

Lífræn efni, Viður, Fura

Safnnúmer

Safnnúmer A: 8344 Safnnúmer B: 1921-120

Aðfangategund

Munir

Undirskrár

Undirskrá: Fundaskrá Undirskrá: Fundaskrá_Lausafundir

Efnisorð / Heiti

Efnisorð: Torfljár

Heimildir

Þórður Tómasson. „Munir frá Munkaþverá.“ Gersemar og þarfaþing. Reykjavík 1994, bls.128-129.