Til baka í leit
Veistu meira?

Einkennisbúningur, herlæknis

1800 - 1850
Varðveitt hjá
Þjóðminjasafn Íslands
Einkennisbúningur: buxur, vesti og frakki. 1. Buxurnar eru úr ljósbláu klæði, með einum vasa saumuðum innan á haldið að framan hægra megin. Örmjór strengur úr rauðu klæði gengur niður skálmarnar að utanverðu og hylur sauminn. Neðan í skálmarnar er saumað skinn, sem gengur undir stígvélshvylflina, til að halda buxunum niðri. 2. Vesti úr dökkbláu klæði, upphátt, með háum kraga koparhnöppum kúptum, brytt alt í kring um báða boðanga með málmvír og gulum silkiþræði og samskonar bryddingar á öllum vösum. 3. Frakki úr dökkbláu klæði, með rauðum kanti að framan og á vösunum að aftanverðu, tvíhnepptur upp í hálsmál, með koparhnöppum að framan og aftan á vösunum, á ermunum er liberiborði gyltur með rauðum kanti umhverfis og á hálsmálinu er einnig samskonar borði með rauðum kanti: hálsmálð er einnig lagt rauðu klæði að framanverðu. 4. Húfa ur dökkbláu klæði með svörtu, breiðu, leðurskygni, og gyltum liberiborða með mjóum rauðum köntum að ofan og neðan. Framan á miðri húfunni fyrir ofan liberiborðann er kringlótt doppa (kokarde) úr rauðu og hvítu silki (dannebrogslitum). Klæðnaður þessi er úr eigu Dr. Jóns Hjaltalíns landlæknis (f. 1807 d. 1882) og mun verið hafa einkennisbúningur þá er hann var herlæknir við hersveit konungs árið 1839 (í september 1839 varð hann einn Bataillonschirurg að nafnbót). (Klæðnaðurinn er keyptur af konu, er um mörg ár var ráðskona hjá landlækninum). Sbr. ennfr. 8425 (korðinn) MS.

Aðrar upplýsingar

Ártal
1800 - 1850
Efni
Safnnúmer
Safnnúmer A: 4908 Safnnúmer B: 1902-15
Sýningartexti
Einkennisbúningur dr. Jóns Hjaltalíns landlæknis, d. 1882, frá því er hann var herlæknir við hersveit konungs í Danmörku árið 1839. 4908 Einkennisbúningur íslensks herlæknis við hersveit konungs í Danmörku 1839.
Aðfangategund
Undirskrár
Undirskrá: Munasafn
Efnisorð / Heiti